TOP

KCCA ne poliisi bakutte 34 okukolera mu kifo ekikyamu

By Eria Luyimbazi

Added 15th July 2018

ABASERIKALE ba KCCA nga bayambibwako poliisi bakutte abantu 34 abasangiddwa ku Good Shade olw’okukolera mu kifo mu bukyamu ssaako okwenyigira mu bumenyi bw’amateeka.

Kwata 703x422

Abaserikale ba KCCA nga batwala abakazi abaakwatiddwa ku Good Shade.

Bino byabaddewo ku Lwokutaano abaserikale okuva ku poliisi ya CPS bwe baawerekeddeko aba KCCA ne bagenda ku Good Shade mu Kikuubo we bafumbira emmere ne bakwata abakazi abafumbo KCCA b’erumiriza okukolerawo mu bukyamu wamu n’abantu abaabadde bagenzeeyo wabula ne balemwa okunnyonnyola kye baabadde bakolawo.

Poliisi yasoose n’eragira abaasangiddwaayo okwogera abatunda enjaga wabula ne bagaana kwe kusalawo bonna n’ebakwata ne batwalibwa ku kkooti ya City Hall.

Akulira ebikwekweto ku poliisi ya CPS, Ivan Nduhura yagambye nti okukola ekikwekweto ku Good Shade kyaddiridde okufuna amawulire ng’abamu ku bakazi n’abasiika chapati bwe bali emabega w’okutunda enjaga ssaako okubudamya abamenyi b’amateeka abeefuula nti bagenzeeyo kulya emmere.

“Tubadde n’ekizibu ku Good Shade nti wabaddewo abatundirawo enjaga n’esaasaanira ebitundu eby’enjawulo ng’abagitunda naddala abakazi babadde beerimbika mu kufumba emmere n’okusiika Chapati,” Nduhura bwe yategeezezza.

Yagambye nti poliisi b’esinze okukwata n’enjaga babadde n’akalandira ku Good Shade kwe kusalawo okukola ekikwekweto okubafuuza.

Abaserikale ba KCCA baakutte ebimu ku bintu ebyabadde bitundibwa wamu ne ssigiri abakazi kwe babadde bafumbira emmere.

More From The Author

Emboozi z’omuwandiisi endala

Emboozi endala

3f74e568a3684a1eac5d6d555644365318 220x290

Magufuli alagidde abaddukanya ekidyeri...

OMUWENDO gw’abantu abaafiiridde mu kidyeri mu nnyanja Nnalubaale gwongedde okulinnya! Pulezidenti wa Tanzania John...

Sevo 220x290

Ab'e Rubirizi basabye Museveni...

ABAKULEMBEZE b’omu disitulikiti y’e Rubiriizi basabye Pulezidenti Museveni okukoma ku bajaasi ba UPDF okukendeeza...

Budgetkasaijaweb 220x290

Bawera kusimbira kkuuli enteekateeka...

ABABAKA ku kakiiko ka palamenti akavunaanyizibwa ku byobulimi bawera kusimbira kkuuli enteekateeka z’okuyisa embalirira...

Kola 220x290

Mukolerere obukadde bwammwe - Minisita...

MINISITA omubeezi ow’ebyenguudo Gen. Edward Katumba Wamala akubirizza abantu okukolerera obukadde bwabwe nga bakyalina...

42312484102150760182472974931861717081653248n 220x290

Bobi Wine eby’okutulugunya abantu...

BOBI Wine ne banne eby’okubatulugunya babitutte mu kibiina ky’amawanga amagatte (UN ), era boongedde okukungaanya...