TOP

Aba KCCA bagugulana n’abatembeeyi ba paaka enkadde

By Eria Luyimbazi

Added 20th February 2019

ABASERIKALE ba KCCA bazzeemu okugugulana n’abatembeeyi abatundira ebintu mu paaka enkadde ekivuddeko okubakwasa ekifuba.

Pala 703x422

Omusumba Ssemwogerere ng’asala keeki oluvannyuma lwa Mmisa e London. Mu kkanzu ye Mpiima akulira ekibiina ky’Abakatoliki.

Bino byabaddewo ku Lwokubiri abaserikale ba KCCA nga bawerekerwako abapoliisi abakkakkanya obujagalalo bwe bazze mu paaka okusobola okukwata abatembeeyi wabula ne basanga nga nabo babeetegekedde ne batandika okusikahhana engoye n’okubakasukira amayinja okutuusa aba KCCA bwe baabasinzizza amaanyi ne bakwatako abamu.

Guno mulundi gwakuna ng’abaserikale ba KCCA basanga obuzibu okukwata abatembeeyi mu paaka enkadde nga buli lwe bagendayo wabaawo okulwanagana.

Ku mulundi guno abapoliisi baakubye omukka ogubalagala okusobola okubagumbulula.

Ku mulundi ogwasooka abatembeeyi baatabuka ne bakasukira aba KCCA amayinja ate ogwaddako ne babaako omuserikale wa KCCA gwe baakuba n’afuna ebisago n’atwalibwa mu ddwaaliro wabula ku mulundi guno baagenzeeyo nga bamaliridde okubakwata.

Bino we bituukiddewo nga ku Mmande abaserikale ba KCCA abaabadde bali mu kikwekweto e Katwe abantu bwe baabeefuulidde ne babakasukira amayinja nga bawakanya okubawambako ebintu byabwe.

Akulira eby’okukwasisa amateeka mu KCCA, Kitumwa Rusoke yagambye nti, bo baakugenda mu maaso n’okukola ebikwekweto okusobola okukwasisa amateeka agakugira abantu okukolera mu bifo ebitakkirizibwamu era n’alabula abatembeeyi n’abantu okukomya okukola effujjo ku baserikale b’ekitongole kino.

Yagambye nti, KCCA ebadde ekola ebikwekweto nga tefuna kukaluubirizibwa kwonna wabula ensangi zino abatembeeyi batandise okugezaako okubalwanyisa nga balina okwekomako kuba KCCA tekyusangako ku bikolebwa.

Yategeezezza nti, abatembeeyi balina okwebuulirira n’okumanya we bakoma n’obutaddamu kulwanyisa baserikale abali ku mirimu.

More From The Author

Emboozi z’omuwandiisi endala

Emboozi endala

Kkooti1 220x290

Poliisi eremeddwa okutwala fayiro...

POLIISI eremeddwa okutwala fayiro eriko omusango gw’okutemula eyali omwogezi wa poliisi, Andrew Felix Kaweesi mu...

Luwum 220x290

Abattakisi beegugunze olw’okuggala...

ABAGOBA ba takisi mu ppaaka enkadde abakozesa omulyango oguli ku Luwum Street bavudde mu mbeera ne bateeka akaziko...

Namanve 220x290

Ab’e Namanve balaajanidde ab’ekitongole...

ABATUUZE b’e Namanve (Kireku leerwe) abali ku ttaka ly’ekitebe ky’eggaali y’omukka, balaajana oluvannyuma lw’ekitongole...

Remassebunnya 220x290

Eyeekiika mu bba wa Rema aggyeeyo...

OMUSAJJA eyavaayo ne yeesimba mu bba wa Rema, abamu kye baataputa ng’ayagala okugootaanya emikolo gy’okwanjula,...

Brian 220x290

Mukula atutte Bryan White mu kkooti...

BRYAN White, ebibye bibi. Kkampuni ya Capt. Mike Mukula emututte mu kkooti lwa kumuguza mmotoka ku doola 120,000...