TOP
  • Home
  • Ono ye kampala
  • Enteekateeka z’okufuula oluguudo lwa Namirembe olw’ebigere ziwedde

Enteekateeka z’okufuula oluguudo lwa Namirembe olw’ebigere ziwedde

By Hannington Nkalubo

Added 28th February 2019

OKUKOLA oluguudo lwa Namirembe Road mu nteekateeka y’okulugobako mmotoka n’ebidduka ebirala kutandise era Abazungu abaawaddeyo ssente balulambudde ne basiima engeri omulimu gye gukwatiddwaamu obulungi.

Tekako 703x422

Lukwago (ku ddyo) ne Sserunjogi (wakati) nga baaniriza Walker akuliddemu omulimu.

Baalulambudde eggulo okutandikira ku Shell Bakuli, mu masahhanzira ga Pride, ku Blue Room, ku Mini Price n’enguudo zonna mu Kisenyi ezikoleddwa okuyambako ku bulippagano bw’ebidduka.

Nga tebannaba kulambula, baasoose mu lukiiko abakugu mwe baategeerezza Loodi meeya Erias Lukwago obwetaavu bw’okukyusa oluguudo luno balugobeko mmotoka.

Olukiiko lwetabiddwaamu ba meeya ba munisipaali okuli Charles Musoke Sserunjogi (Central) ne Joyce Ssebugwaawo (Lubaga).

Bano baawagidde enteekateeka y’okukyusa oluguudo luno era Sserunjogi n’ategeeza nti bo baayisa dda ekiteeso ekisemba mmotoka okukoma okulukozesa.

Lukwago yategeezezza nti enteekateeka nnungi naye abagiwomyeemu omutwe bateekwa okunnyonnyola abakulembeze n’abantu abakwatibwako mu kitundu engeri entambula gy’egenda okukolebwamu.

Omu ku bakugu era omusomesa e Makerere Yunivasite, Amanda Ngabirano yategeezezza nti buli kimu kyamala kwetegerezebwa ng’enteekateeka tennatandikibwa.

Yategeezezza nti okunoonyereza kwe baakola mu bibuga ebirimu enkola eno eraga nti bannannyini bizimbe n’ettaka bafuna nnyo ng’ekifo tekiyitamu mmotoka abantu batambuza bigere kubanga lwe basinga okugula ebintu.

Kyokka abamu ku balina ettaka n’ebizimbe mu kitundu omugenda okugobwa mmotoka bawanda muliro nti emirimu gyabwe gigenda kufa era ne basaba waakiri lufuulibwe One Way.

Ate abaddukanya ppaaka ya takisi ku Namirembe Road bagamba nti KCCA eteekwa okusooka okugonjoola enkaayana ku bamu ku bantu abaazimba mu luguudo ate n’obuguudo obuyita wakati w’ebizimbe naddala emabega wa bbanka ya Centenary babukole okwewala emirimu gyabwe okufa.

More From The Author

Emboozi z’omuwandiisi endala

Emboozi endala

Kkooti1 220x290

Poliisi eremeddwa okutwala fayiro...

POLIISI eremeddwa okutwala fayiro eriko omusango gw’okutemula eyali omwogezi wa poliisi, Andrew Felix Kaweesi mu...

Luwum 220x290

Abattakisi beegugunze olw’okuggala...

ABAGOBA ba takisi mu ppaaka enkadde abakozesa omulyango oguli ku Luwum Street bavudde mu mbeera ne bateeka akaziko...

Namanve 220x290

Ab’e Namanve balaajanidde ab’ekitongole...

ABATUUZE b’e Namanve (Kireku leerwe) abali ku ttaka ly’ekitebe ky’eggaali y’omukka, balaajana oluvannyuma lw’ekitongole...

Remassebunnya 220x290

Eyeekiika mu bba wa Rema aggyeeyo...

OMUSAJJA eyavaayo ne yeesimba mu bba wa Rema, abamu kye baataputa ng’ayagala okugootaanya emikolo gy’okwanjula,...

Brian 220x290

Mukula atutte Bryan White mu kkooti...

BRYAN White, ebibye bibi. Kkampuni ya Capt. Mike Mukula emututte mu kkooti lwa kumuguza mmotoka ku doola 120,000...