TOP

KCCA bagiwadde emmotoka ezigaaya n’okuyoola kasasiro

By Hannington Nkalubo

Added 31st March 2019

EKITONGOLE ekyassibwaayo okuyambako okukuuma ennyanja kiwadde KCCA mmotoka ssatu ezigaaya n’okuyoola kasasiro ziyambeko okutangira abadde akulukutira mu myala ne gizibikira.

Gaaya 703x422

Florence Adong (ku kkono), minisita Beti Kamya ne Kitaka (ku ddyo) nga bakwasibwa emmotoka ku City Hall.

Mmotoka zino nga buli emu yeetikka ttani 20, zaakwasiddwa minisita wa Kampala, Beti Namisango Kamya abadde n’akola nga dayirekita, Andrew Kitaka ku mukolo ogwabadde ku City Hall ku Lwokutaano.

Abaddewo ku lw’ekitongole kino ekiyitibwa, ‘Lake Victoria Management Project’, Florence Adong yayanjudde nti mu nteekateeka ya minisitule y’amazzi n’okukuuma obutonde bw’ensi naddala amazzi g’ennyanja nga mayonjo, KCCA ekola ekitundu kinene era bateekwa okugiwagira ennyo naddala ku ludda lw’okuyoola kasasiro abadde akuluggukira mu nnyanja n’ayonoona amazzi.

Yagambye nti minisitule y’amazzi yakiraba nti singa KCCA eyongera amaanyi mu kuyoola kasasiro, amazzi g’ennyanja gagenda kulongooka era y’ensonga lwaki basobodde okugiwa mmotoka ssatu ezisobola okutwala ttani 60 buli luyiwa.

Minisita Kamya yeebazizza obuyambi buno n’ategeeza nti kasasiro kikyali kizibu kinene mu Kampala kubanga buli lunaku Bannakampala bakola kasasiro aweza ttani 2000.

“Wadde tufunye emmotoka zino naye okusobola okumalawo kasasiro obulungi twetaaga emmotoka eziyoola kasasiro nga buli emu etwala ttani 20 nga zino ze batuwadde, emmotoka 60 naye kati tulinako 10 zokka era tukyetaaga obuyambi,” Kamya bwe yagambye.

Yannyonnyodde nti kasasiro buvunaanyizibwa bwa buli muntu okukakasa nti asuulibwa mu bifo ebituufu nga ne KCCA bw’emuyoola.

Yagambye nti kkampuni eziyoola kasasiro zibayambako wadde bakyagenda mu maaso n’okuzeetegereza okulaba nti zongera okukolera Bannakamapala obulungi.

Kamya yagambye nti wadde buvunaanyizibwa bwa KCCA okuyoola kasasiro naye n’abantu bateekwa okusasulayo akasente eri kkampuni ezikolagana ne KCCA kasasiro n’ayoolebwa.

Ate Akola nga dayirekita wa Kampala, Andrew Kitaka yagambye nti obuyambi bwa mmotoka zino bugenda kubakolera kinene okusobola okwongera okutumbula obuyonjo bw’ekibuga.

Adong emmotoka yazikwasizza minisita Kamya naye eyazikwasizza Kitaka kyokka n’alabula aba KCCA okukakasa nti bazikuuma bulungi ate tebageza ne beenyigira mu mize gy’okubba amafuta.

More From The Author

Emboozi z’omuwandiisi endala

Emboozi endala

Unit8 220x290

Enjawulo etabudde Aganaga ne Chris...

NGA tegunnawera mwaka ng’abayimbi Aganaga ne Chris Johnz batadde emikono ku ndagaano ey’okukolera awamu, baawukanye...

Gd1 220x290

Omugagga Ham ne Kirumira banaazizzaako...

Omugagga Ham ne Kirumira banaazizzaako Sheikh Muzaata ennaku ya January

Kanta 220x290

‘Muntaase ku baana bange abanzibako...

OMUKADDE ow’emyaka 93 atabuse n’abaana be ng’abalumiriza okubeera mu kkobaane erimugoba ku ttaka lye balyeddize....

Bonnyjpgweb 220x290

Abadde ayanula engoye z'abatuuze...

Bonny Tamale omutuuze w'oku Kalerwe Kiggundu Zooni y'asimattuse okuttibwa abatuuze b'e Bwaise oluvannyuma lw’okumusanga...

Agende 220x290

Kkooti egobye egimu ku misango...

KKOOTI y’e Nakawa egobye omusango gw’obuyeekera ogwali gwaggulwa ku basajja 14 abagam- bibwa nti beenyigira mu...