TOP
  • Home
  • Ono ye kampala
  • Minisita Kamya awadde ekiragiro: 'Tewali kuddamu kukwata batembeeyi bakolera mu paaka za takisi'

Minisita Kamya awadde ekiragiro: 'Tewali kuddamu kukwata batembeeyi bakolera mu paaka za takisi'

By Hannington Nkalubo

Added 31st March 2019

MINISITA wa Kampala Beti Namisango Kamya awadde ekiragiro obutaddamu kukwata batembeeyi bakolera mu ppaaka za takisi ne bbaasi mu kibuga.

Kamya1703422 703x422

Minisita Betty Olive Namisango Kamya

Yagambye nti ekiseera kino bakkiriziddwa mu ppaaka za mmotoka mwokka nga bwagenda mu maaso n’okubafunira ebifo ebirala.

Kyokka abayiwa ebintu ku nguudo n’okukolera ku mbalaza z’ebizimbe bo tebakkiriziddwa era abaserikale bagenda kweyongera okubayigga mu bikwekweeto eby’enjawulo ebikolebwa.

Kino minisita yakirangiridde ggulo mu lukiiko lwa bannamawulire owatudde ku Media Centre mu Kampala.

Kino kiddiridde n’olukiiko lwa bakansala olufuga Kampala okutegeeza nti abatembeeyi tebalina mateeka ge bamenya kukolera mu kibuga wabula kati buvunaanyizibwa bwa KCCA okubafunira pamiti ne basasula ssente za layisinsi.

Minisita yalagidde batandike okukola kyeere mu bifo bya ppaaka ya takisi enkadde, empya n’eya USAFI eza KCCA.

Mu kiseera kye kimu Kamya yalangiridde nti KCCA egenda kukuza olunaku lw’abakyala olwaliwo nga March 08 2019 ga April 10 omwaka guno mu kisaawe e Kololo.

Yayise abakyala abeegattira mu bibiina eby’enjawulo omuli; Mothers Union, abakuba amatafaali, abaweesa, abatunga ebitambaala, abazimba , abakozi mu ofiisi, abakolera mu butale abaawaka, abasomesa n’abalina bye basobola okwolesa bagende beewandiise ku City Hall ewa dayirekita atwala obutale n’ekikula ky’abantu Harriet Mudondo.

Kamya yasiimye abakyala abayimirizaawo amaka nga bakola buteebalina ne baweerera abaana n’okuyimirizaawo famire.

More From The Author

Emboozi z’omuwandiisi endala

Emboozi endala

Patu 220x290

'Twagala Mityana eyegombesa'

Patrick Mugisha ng'ono y'avuganyaako ku kifo ky’obubaka bwa Palamenti okukiikirira Mityana North aludde ddaaki...

Pro 220x290

Ddala kiki ekyasse omugagga wa...

OBULWADDE obwasse omutandisi w’essomero lya Kabojja Junior School, bwasooka kucankalanya lubuto, aba famire ne...

Titi 220x290

Omutuuze w’e Kanyanya afiiridde...

Muky. Roninah Nakacwa Kyaterekera Kirumira 69, baamututte mu Amerika okumujjanjaba obulwadde bwa kansa kyokka n’afa...

Busy1 220x290

‘Nze ebya laavu nabivaako nneekubira...

BW’OBA onyumya n’omuyimbi w’ennyimba za laavu David Lutalo emboozi ye ewooma era mubeera mu kuseka n’okukuba obukule....

Gurad 220x290

Amasomero agatannafuna bigezo bya...

AMASOMERO agamu gakyalwana okuggyayo ebigezo by’abayizi baabwe ebya P7 mu UNEB, ekireese obweraliikirivu mu bazadde...