TOP

Gav't eragidde Drake Lubega ne Young okuggula amadduuka agaggaddwa abasuubuzi bakole

By Musasi wa Bukedde

Added 4th April 2019

GAVUMENTI ewadde ebiragiro ebigendereddwaamu okuggyawo embeera y’obunkenke eremesezza abasuubuzi abakolera ku bizimbe okuli ekya Qualicell ne Nabukeera mu Kampala okukola emirimu gyaabwe olw’enkayana z’obwanannyini ku bizimbe kino.

Whatsappimage20190403at100230 703x422

GAVUMENTI ewadde ebiragiro  ebigendereddwaamu okuggyawo embeera y’obunkenke eremesezza abasuubuzi abakolera ku bizimbe okuli ekya Qualicell ne  Nabukeera mu Kampala okukola emirimu gyaabwe olw’enkayana z’obwanannyini ku bizimbe kino.

Enkyana zino ziri wakati Drake Lubega ne Mansour Matovu amanyiddwa nga Young ku ludda olumu abakayana ne famile y’omugenzi Charles Muhangi.

Kino kivudeko akavuyo akaletedde abasuubuzi abakikolerako okubonabona ne balemwa n’okukola emirimu gyaabwe nga babuliddwa gwe baba basasula ensimbi z’obupangisa omutuufu.

Minisita w’eggwanga avunaanyizibwa ku Kampala Benny Namugwanya yavumiridde ekya  ebyabanannyini bizimbe okuggala amadduuka ekikosezza ennyo abapangisa baabwe.

Namugwaanya yagambye nti gavumenti esazeewo poliisi esigale ng’ekuuma ekitundu kino era eby’okuggala amadduuka bikome mbagirawo abasuubuzi bakole emirimu gyaabwe.

Poliisi eragiddwa okulaba ng’embeera y’obukkakkamu ebeerawo abasuubuzi bakole emirimu gyabwe. 

Yagambye nti obwanannyini ku bizimbe busigadde bwa Young ne Drake Lubega okutuusa nga kkooti zisazeewo eky’enkomerero.

Minisita yagambye nti teri kusaba basuubuzi baasasula Muhangi ssnte ndala za bupangisa.

Gavumenti egenda kuggulawo akawunti abasuubuzi kwe bassa ssente basasule ez’obupangisa okuva mu Febuary 2019 era zisigale okwo okutuusa kkooti lwe zinaasalawo eky’enkomerero.Abasuubuzi baalagiddwa okusigala nga basasula busuulu.

Mu ngeri y’emu gavumenti yagambye nti waliwo ekizimbe Drake Lubega ky’azimba ku puloti 50-52 ku Nakivubo Road nga teyasooka kukakasibwa kwa pamiti kuva mu KCCA era n’emulagirira agoberere amateeka.

More From The Author

Emboozi z’omuwandiisi endala

Emboozi endala

Lab12 220x290

Okulonda kwa Ssentebe wa NRM e...

Okulonda kwa Ssentebe wa NRM e Mityna kuzzeemu kigoye wezinge

Gwe1 220x290

Taata bamuwadde emitwalo 30 n'awaayo...

Taata bamuwadde emitwalo 30 n'awaayo omwana we ew'omusamize bamusadaake

Nkumba2jpgweb 220x290

Abadde ayingira mu ofiisi z'ebizimba...

Allan Nkumba omutuuze w'e Kabowa mu Sserwadda zooni ye yakwatiddwa poliisi ya CPS ku Lwokusatu oluvannyuma lw’okugenda...

Sjpgweb 220x290

Eyanfunira omulimu mufiirako

Nze Innocent Katusiime 29, mbeera Nakawa. Buli lwe ndowooza ku ngeri gye nnasisinkanamu maama w’omwana wange essuubi...

Nsamba22pulaaniusewebuse 220x290

Mukuume obumu musobole okwekulaakulanya...

Ab'ekika ky'Engabi beetaaga obukadde 13o okuzimba ekiggwa kyabwe