TOP

Kkamera za poliisi zikutte abaakuba owa KCCA

By Eria Luyimbazi

Added 22nd May 2019

POLIISI ekoze ekikwekweeto mw’ekwatidde abavubuka abali mu kabinja k’abamenyi b’amateeka abaakuba n’okunyaga omukozi wa KCCA n’addusibwa mu ddwaaliro n’ebisago.

Basement 703x422

Omuserikale ng’ayingiza Matovu ne Kidayida (ku ddyo) mu kaduukulu. Mu katono ku ddyo ye Ssekamatte gwe baakuba. Ku kkono, Kkamera lwe yakwata Kidayida ng’adduka amalirizza misoni.

Kino kiddiridde poliisi okugenda ne yeekebejja ebifaananyi kkamera zaayo ez’oku nguudo bye zaakwata ne batandika okubanoonya okutuusa lwe yabaguddeko nga bakomyewo ku nguudo okuteega abantu abalala.

Amyuka omwogezi wa poliisi mu Kampala, Luke Owoyesigyire yagambye nti abavubuka abaakwatiddwa kuliko Jafferi Kidayida eyeeyita Jafferi Alafa ne munne Ashiraf Matovu eyeeyita Steven nga bano bakkakkana ku mukozi wa KCCA, Mathias Ssekamatte ne bamukuba n’okumunyagulula naddusibwa mu ddwaaliro e Nsambya ku Lwokuna oluwedde.

“Tuludde nga tunoonya abavubuka bano era bwe twazzeeyo mu bifaananyi ebyakwatibwa kkamera eri we baamukubira e Nakasero ne tubategeera.”

Owoyesigyire bwe yategeezezza. Yagambye nti akulira poliisi y’e Nakasero, ASP Francis Liiga mu kiro ekyakeesezza ku Lwokubiri yabakutte.

Yategeezezza nti abavubuka bano bazze bakyusa amannya nga bw’agenda okubba n’akwatibwa awaayo malala.

More From The Author

Emboozi z’omuwandiisi endala

Emboozi endala

6 220x290

Yiga bwe bafumba enkoko erimu enniimu...

Yiga bwe bafumba enkoko erimu enniimu

Omumyuka 220x290

Pulezidenti Museveni teyeeyibaala...

OMUBAKA wa Busiro East mu palamenti, Medard Lubega Sseggona ategeezezza Pulezidenti Museveni nti teyeeyibaala nti,...

Kutte1 220x290

Nakibinge akunyizza Haruna Kitooke...

JJAJJA w’Obusiraamu, Omulangira Kassim Nakibinge, Omulangira Kakungulu Kalifaani, Sheikh Nuuhu Muzaata ne bamaseeka...

And 220x290

Tondaba akanyiriro embeera mbi...

HARUNA alombojjedde Sipapa ebizibu by’ensimbi byatubiddemu olw’okwenyigira mu by’obufuzi.

7900135314007387300859518542802200714280960n 220x290

Gravity Omutujju amaze n’alaga...

KYADDAAKI Gravity Omutujju alaze mukyala we mu lujjudde n’ategeeza nga bwe bagenda okwanjula mu January wa 2020...