TOP

Ngenda kubakubira omuzungu ayogere Oluganda- Golola

By Musasi Wa

Added 9th December 2011

EKIMU ku bintu ebisinga okucamula abawagizi ba Moses Golola bye bigambo byakozesa naddala ng’awera ‘okuttira’ omuntu mu miguwa.

2011 12largeimg209 dec 2011 121143517 703x422

Bya Martin Ndijjo

Ebigambo bya Golola eby’obusagwa

 

EKIMU ku bintu ebisinga okucamula abawagizi ba Moses Golola bye bigambo byakozesa naddala ng’awera ‘okuttira’ omuntu mu miguwa.

  1. Nneebaza omutonzi ansobozesezza okutuuka ku lunaku luno mulindwa. Nze Golola of Uganda, musajja nsolonkambwe etateekeddwa kwemoolerwako.
  2. Nja kukuba Omuzungu eng’uumi addugale atandike n’okwogera Oluganda mu lunaku lumu.
  3. Ng’ambye nti  nja kumufumita eng’uumi bagimulongoosezeemu Mulago kyokka mu kubbo nga bamutwala atandike okulogootana nga bwayimba erinnya lya Golola.
  4. Okumanya ndi musajja wakabi, nsobola okusaabulula eddagala erikkakkannya obulumi (pain killer) naawe gwe balikubye n’otandika okuwulira obulumi.
  5. Nze gwe mulaba nsobola okutunuulira omukazi n’afuna olubuto. Ate temunjogeza nnyo kubanga nnyinza okuggwaamu amaanyi. 
  6. Abantu abansaba okulwana nabo, mbaddamu kimu nti nze sirwana na bakubi ba butayimbwa ate njagala mukimanye nti eddaala lye ndiko lya yunivasite sisobola kulwana nammwe abasoma nursery.
  7. Maama wange singa teyanzala yandifunye obuzibu era naye kennyini kino aking’amba.
  8. Ngenda kwewandiikako akatabo ke naawa omukazi gwe nnaawasa ng’endagiriro y’ebintu bye njagala okukola mu budde obw’enjawulo. Okugeza bwe bubeera budde bwa kuyingira mu buliri kuzaala tekinneetaagisa kumala kumugamba. 
  9. Nneewuunya omuntu atatya Golola kubana nange kennyini bwe mba nasanze Golola mutya.

Moses Golola y’ani?

Yazaalibwa mu 1980 Omw. n’Omuky. Daniel ne Mary Ssenoga ab’e Kawempe, Lugoba. Muto wa Paasita Evans Mayambala era agamba nti taata waabwe yali munnabyabufuzi. 

Ebiseera bye eby’omu buto yabimala ne maama we oluvannyuma lwa taata we okusibwa mu kkomera gye yamala emyaka etaano. Embeera eno yabaviirako okubonaabona n’obwavu mu maka kubanga mu kkolero lya Biscuit e Kawempe maama waabwe gye yali akolera nga bamuwa obusente butono obutasobola kumulabirira n’abaana be omukaaga. 

Embeera eno yawaliriza mukulu we Pasita Mayambala okutandika okutunda ebikajjo okuyamba ku maama waabwe omugugu gwe yali yeetisse. Golola gamba nti embeera eno yamukosa nnyo kubanga yalwawo okutandika okusoma ate n’akoma mu siniya eyookuna. 

Agamba nti yasomera Kawempe Muslim Secondary School ne Kawempe Progressive Secondary. Si mufumbo era agamba nti bino tannaba kubirowoozaako kubanga alina okufuna omukazi amumatiza  mu by’omukwano ng’ate bwe baba batandise ekyeso tajja kumukaabirira. 

Atandika okukuba  ebikonde n’ensambaggere;

‘Okuva mu buto nnalina eddalu nga ndi mulwanyi era natuutuzanga nnyo obwana bw’oku kyalo naddala nga tugenze ku luzzi. Abaana bandoopanga mu bazadde baabwe ne bambonereza kyokka nga sibonerera era nga buli ancookooza gwe nkuba. 

Nakwatagana n’abavubuka abakozi b’ebikolobero omwali n’abaana b’oku nguudo nga tukeera kutaayaaya okuzibya obudde. Bazadde bange baagezaako okuntangira kyokka nga sibawuliriza. 

Agamba nti lumu kitaawe yamugwikiriza ku makya ng’adduka ne banne n’alowooza nti yasuze wabweru ng’atigomya abantu n’amukwata n’amutwala ku poliisi bamusibe kubanga tawuliriza bazadde be. 

Bwe baamuta yagaana okuddayo awaka n’atandika obulamu obupya ng’abeera ne mikwano gye era ye yali akulira ekibinja kino. Ku ‘Street’ gye yayigira okukuba emigere n’ebikonde. Yasooka kwatiikirira mu kukuba bikonde era yakiikirirako ‘Kawempe Box Club’ mu mpaka z’eggwanga.

Embeera eno yamuleetera n’okuyiga okukozesa ebiragalalagala kyokka mukulu we n’amukwata ku mukono n’afuna entandikwa y’ekirooto kye okufuuka munnabyamizannyo ow’erinnya. 

Ekirooto kye kituukirira:

Paasita Mayambala yamutwala mu maka ge gye yalokokera. Oluvannyuma mukwano gwa Mayambala, Matovu yamusabayo n’amutwala ewuwe akole obwayaaya.  Matovu yamwagala nnyo era ono bwe yateegera nti Golola alina ekitone ky’omuzannyo gw’ebikonde n’amuzzaayo mu Kampala Boxing Club ayongere okuyiga okukuba ebikonde. Mu 2000, yawangula engule ya ‘light feather weight’ wabula nga si mumativu ne ssente ze baali bamuwa. Yagezaako omuzannyo gw’okuzimbya omubiri ogwamufunyisa emirimu gy’okukola nga kanyama mu bifo ebisanyukirwamu. Wabula bino nabyo teyabirwamu n’atandika okukuba ensambaggere omuzannyo ogumufudde ow’ekitalo. 

 

 

Ngenda kubakubira omuzungu ayogere Oluganda- Golola

More From The Author

Emboozi z’omuwandiisi endala

Emboozi endala

Drssempangieyasingaanidwamumakagenanyonyolawebuse 220x290

Abaana Abakaramoja basomesebwe...

Ssempangi awabudde gavumenti ku baana b’e Karamoja abasibira ku nguudo n’ategeeza nga bwe batundibwa abazadde okujja...

Chozenbeckyclearwebuse 220x290

Abayimbi beesunga kusanyusa badigize...

Abayimbi ab'amannya bali mu kuwawula maloboozi olw'okwesunga okuyimba mu Kyepukulu ekiwagiddwa Vision Group ne...

Lukiikombalirira7 220x290

Buganda eyisizza embalirira yaayo...

OBWAKABAKA bwa Buganda buyisizza embalirira y’Omwaka 2019/2020 ng’eno ya nsimbi 121,079,490,880/- nga kweyongera...

Samba 220x290

Omusika atunze ebiggya ku 1500/=!...

PULOFEESA Kiwanuka Ssemakula amaziga gaamuyunguse bwe yatuuse ku butaka gy’asibuka ng’amalaalo ga kitaawe gaatundibwa...

Kub2 220x290

Gavt. esiimye ebitongole ebisikiriza...

Gavt. esiimye ebitongole ebisikiriza abavubuka okuyingira obulimi n’obulunzi