TOP

Lutaaya ayimbye ku kyasa ky’abaana abalya ssente ne yeewaana

By Musasi wa Bukedde

Added 20th August 2016

Geoffrey Lutaaya ne Irene Namatovu abakulira ekibiina kya Da Nu Eagles bawaga. Beewaanye nga bwe bawambye ekisaawe ky’okuyimba mu 2016 nga kati bali ku mulamwa kubanga ekibiina bakizimbidde ku miti emito egifuuse ensonga.

Zina1 703x422

Lutaaya ne Irene Namatovu.

Geoffrey Lutaaya ne Irene Namatovu abakulira ekibiina kya Da Nu Eagles bawaga.

Beewaanye nga bwe bawambye ekisaawe ky’okuyimba mu 2016 nga kati bali ku mulamwa kubanga ekibiina bakizimbidde ku miti emito egifuuse ensonga.

Da Nu Eagles yatandika mu 2014 oluvannyuma lwa Eagles Productions okusasika, Lutaaya ne Irene Namatovu ne baddukayo.

Baayita abayimbi abato ne babasunsulamu ne bafunamu 21 wadde abamu baalemererwa ekintu ne bakita.

Mu bafuuse ensonga mulimu: Jovan Luzinda eyayimba Nninga omutamiivu ne Mbooseera, Sasha Brighton owa So Lucky, Nnina amaalo ne Sswiiti sswiiti, Betina Namukasa ayimba: Emikisa gy’abakazi, Necklace ne Ompalula buwaluzi, Henry Mwanje alina ‘Abalya emmere’ ne Grace Khan eyayimba ‘Sijja kumuta’.

Abaana bano bwe balinnya ku siteegi oyinza okulowooza nti bayimbidde emyaka, ekifudde Da Nu Eagles bandi ey’amaanyi. Lutaaya yagambye nti newankubadde omulamwa guli ku baana bato, nabo tebatudde.

Buli kiseera bafumba ebipya era bazze bakuba ennyimba nga ‘‘Olweza, Kuzaala kujaagaana, Nkolerera baana bange, One and Only n’ Obugumiikiriza’’.

Bategese ekivvulu kye batuumye ‘Abali yadde yaddeko Tuli luno’ ku Club Obligatto ku Lwokutaano nga August 26.

August 27 ali ku La Grande Hotel e Bwaise ate nga 28 bagende ku Forest Park e Buloba.

Mu luyimba lwa ‘Tuli luno’ Lutaaya akulaga engeri abaana b’ekyasa kino gye basaasaanyamu ssente n’otuuka n’okulowooza nti bakuba ebicupuli wamu n’ebyana ebyambala enkunamyo eziteeka abantu ku bunkenke.

Ekitundu mu luyimba luno kigenda bwe kiti; Muli luno abakoowu bannange, kino kyasa ky’abaana abalya ssente, abambala obuteeteeyi obw’ebitundu, ssente muziggya wa baganda bange nange nkeereyo, njige eby’okujooga nange njooge, mwafunye n’eηηombo nti okulya ssente si kulya mwana kubanga mwekolera mmane zammwe, mweriira mmane zammwe ...” Lutaaya eyasangiddwa e Busaabala mu kutendekebwa yategeezezza nti anaasubwa ekivvulu kino tamunenya kuba agenda kukuba omuziki buli omu akkirize

More From The Author

Emboozi z’omuwandiisi endala

Emboozi endala

Kolamu 220x290

Obwavu buswaza - Katikkiro Mayiga...

KATIKKIRO wa Buganda Charles Peter Mayiga agambye nti obwavu kye kintu ekisinga okuswaza n’okuweebuula ekitiibwa...

Angume1 220x290

Bba wa Julie Angume talabiseeko...

JULIE Angume ebintu bimutabuseeko bbaawe omupya, Sam Sekajugo bw’atalabiseeko ku mukolo gwe ogw’okumwanjula mu...

Fanayo 220x290

Obukodyo mukaaga bwe nkozesa okulembeka...

OBUYIIYA bwa ssente ebiseera ebisinga kiva ku kusoma embeera gy’otambuliramu, kati mu kaseera nga kano ak’ennaku...

Wano 220x290

Centenary bank etadde ssente mu...

Aba Centenary bank beegasse ku Bukedde famire mu nteekateeka yaabwe ey’okuddiza ku basomi ba Bukedde, abalabi ba...

Ye 220x290

Omusajja ow'ebbuba asazeesaze mukazi...

OMUSAJJA alumbye mukyala we ku bugenyi gw’alinamu abaana bana, n’amusala obulago n’amutta ng’amulumiriza obwenzi....