TOP

Bobi Wine akolokose Mmengo ng’akuba abadigize emiziki e Busaabala

By Moses Nsubuga

Added 19th April 2017

BOBI Wine alumbye ab’e Mmengo abaasenda ekitundu kya bbiici ye bw’akyusizza ezimu ku nnyimba ze ezibadde zikolokota Gavumenti ng’awali ekigambo Gavumenti ateekawo abaasenze ettaka ly’ayita erirye.

Bobi 703x422

Bobi Wine ng’akuba emiziki e Busaabala.

Mu kivvulu kye ekyabadde e Busaabala ku Easter Monday, yalinnye ku siteegi ku 5.30 ez’ekiro n’oluyimba lwa, Tugambire ku Jennifer lwe yayimba ng’alaga obukambwe bwa dayirekita wa Kampala, Jennifer Musisi.

‘Lwali Lwakutaano bwe buti ng’obukuba bwatonnye ku bbiici gye nkubira emiziki, obusajja bwasalako ne zikatapira nga bukambwe okukira ennumba….’

Bino bye bimu ku bigambo Bobi bye yakyusizza mu luyimba lwe wabula ng’ayimba nga bw’atuuka ku kigambo Jennifer ate n’asirika olwo abawagizi ne baddamu nti tugambire ku Mmengo.

Yatandise oluyimba lwa Byekwaso kyokka nga bw’alaalika abawagizi be obuteesiga Mmengo n’abakungu baayo olw’ebyabaddewo.

Yagambye nti, be bamu abalikuguza era be bakusendawo kale osaana obegendereze olwo abawagizi be ne bakuba enduulu.

Kuno yazizzaako oluyimba lwa Time Bomb kyokka n’agamba nti ettaka baliggye ku ffe bannansi nga batusenda ate ne baliwa Abachina nga kino yakizzeemu emirundi etaano.

Bobi Wine yayimirizza okuyimba n’ayogera nti teyaweebwa mukisa nga batuuse okumusendawo ate nga n’ekituufu teyalina musango gwonna kuba bonna baweereza Ssaabasajja Kabaka wabula waliwo abamu abakozesa obubi ofiisi ne batulugunya abantu ne kyonoona erinnya lya Kabaka.

Bwe wabadde otunula olukwakwayo, ng’olowooza nti abantu baabadde bangi kyokka tebaabadde bangi nga bwe kitera okubeera olw’abawagizi abamu okulowooza nti bbiici eno eya One love, yonna baagisenda.

Waliwo n’abaabadde batuuka ne beewuunya okulaba nga tebaagimalaawo.

More From The Author

Emboozi z’omuwandiisi endala

No Matching Document

Emboozi endala

Kwata3 220x290

Olukung'aana lwa 'Togikwatako'...

Olukung'aana lwa 'Togikwatako' e Kasubi luggweeredde mu mayinja na masasi

Batle 220x290

Morocco y'egenda okutegeka eza...

AKAKIIKO k’ebigwa bitaraze mu CAF ekibiina ekiddukanya omupiira ku lukalu lwa Africa nga kakubirizibwa ssentebe...

Nuwagaba 220x290

Omuwanika wa Olympics Committee...

Munnabyamizannyo abadde omuwanika mu bitongole by’emizannyo n’amasomero, Godfrey Nuwagaba afudde kibwatukira amakya...

Huda1 220x290

Ggoolokipa bamutomedde ku kisaawe...

GGOOLOKIPA wa Persela, Choirul Huda afiridde ku myaka 38 oluvannyuma lw’okutomeragana ne bazannyi banne ng’ataasa...

Manya 220x290

Ying. alumirizza abajaasi okumusaba...

YINGINIYA mu minisitule y'ebyokwerinda alumirizza abakulira ettendekero ly'amagye okumusaba enguzi asobole okuweebwa...