TOP

Omuziki gwe tugenda okubakubira gwa kyasa

By Deo Ganyana

Added 7th September 2018

LEERO bbinu ku Freedom City e Najjanankumbi. Abayimbi b’ekibiina kya B2C okuli: Peterson Ssali (Bobby Lash), Julius Kasagga eyeeyita Delivad Julio ne Richard Mugisha amanyiddwa nga Mr. Lee be baliyo leero nga September 7, 2018.

Bukedde 703x422

Abayimbi ba B2C

LEERO bbinu ku Freedom City e Najjanankumbi. Abayimbi b’ekibiina kya B2C okuli: Peterson Ssali (Bobby Lash), Julius Kasagga eyeeyita Delivad Julio ne Richard Mugisha amanyiddwa nga Mr. Lee be baliyo leero nga September 7, 2018.

W’osomera bino nga baamaze dda enteekateeka z’ekivvulu nga balinze badigize babakube omuziki. Ku Lwokusatu aba B2C baasibye bakola ddulayivu mu bitundu by’eggwanga eby’enjawulo nga bayita abawagizi baabwe okujja mu kivvulu kyabwe okubawagira ne balayira okubawa essanyu kubanga kati bakugu mu kukuba omuziki.

Ennyimba ezibatunze mu bantu kuliko: Njabala, Tokigeza, Wansensera, Kapande, Nkwagala, Gutamiiza, Wanyonoona, Songea, Sure Deal, African Beauty, Mateeka ne So Fly. Andy Mugerwa maneja wa B2C yategeezezza nti abaana bano babadde mu kutendekebwa nga kati amaloboozi temuli wadde akafuufu ate nga balina n’amazina amapya abantu ge batasaanye kusubwa era kye bagenda okubawa kiggyayo erinnya lyabwe ‘B2C’ ekitegeeza ‘‘Born to Conquor’’ ekivvuunulwa nti ‘Twazaalibwa kuwamba’.

Andy yategeezezza nti ekibiina kino kyatandikibwa emyaka ebiri emabega ng’era kino kye kivvulu kyabwe ekisoose. Bakituumye ‘‘B2C Live in Concert’’.

Bayimba Ragga, RnB, Zouk ne Reggae ng’omuziki baagutandikira mu kkanisa. Ku Lwomukaaga nga September 8, bali ku Satellite Beach e Mukono ate nga September 9, babeere ku Big Zone e Nansana.

Okuyingira 10,000/- ne 30,000/- ate emmeeza ya 1,000,000/-. Wiikendi eddako bali ku Hilltop Gardens e Ssemutto, Trans Africa e Jinja ne Sikezy Hotel e Iganga. Vision Group efulumya ne Bukedde ebataddemu ssente.

Bawerekeddwako abayimbi ab’enjawulo okuli: Jose Chameleone, Rema Namakula, Geosteady, Stecia Mayanja, Irene Ntale, Madrat ne Chiko n’abalala.

More From The Author

Emboozi z’omuwandiisi endala

Emboozi endala

Capture 220x290

Emitimbagano gya Vision Group gyakuvaako...

Emitimbagano gya Vision Group okuli ogwa bukedde.co.ug ne newvision.co.ug gyakuggalawo ku wiikendi eno okutandika...

Br3 220x290

Ensonga za Brian White ez'okkabasanya...

Ensonga za Brian White ez'okkabasanya abaali abakozi be zisajjuse

Kit1 220x290

Engeri akasaawe k'e Mulago gye...

Engeri akasaawe k'e Mulago gye kaalera Jimmy Kirunda

Jit1 220x290

Afiiridde mu kibanda kya firimu...

Afiiridde mu kibanda kya firimu e Mukono

Bad1 220x290

King Michael akaayidde Balaam

King Michael akaayidde Balaam