TOP

Lutalo ne Sheebah beeraga leero eryanyi

By Musasi wa Bukedde

Added 14th March 2019

ABAYIMBI David Lutalo ne Sheebah Karungi bamazeeko 2018 n’okuyingira 2019 nga bookya mu kukuba omuziki. Kyokka waliwo okukubagana empawa mu bantu nga beebuuza ku Lutalo ne Sheebah ani asinga okukuba engoma.

ABAYIMBI David Lutalo ne Sheebah Karungi bamazeeko 2018 n’okuyingira 2019 nga bookya mu kukuba omuziki. Kyokka waliwo okukubagana empawa mu bantu nga beebuuza ku Lutalo ne Sheebah ani asinga okukuba engoma. 

Sheebah bwe yategeka ‘Mwoyo Concert’ abadigize baamuwagira mu bungi kyokka ne Lutalo bwe yategese  ekivvulu kya ‘Nakusiima Concert’ yalaze nti ye nnamba emu mu kukuba omuziki olw’engeri abantu gye bazze bamuwagira mu bifo byonna byayimbiddemu.   

 
W’osomera bino nga Lutalo ne Sheebah be bamu ku bayimbi abavuganya ku ngule ya HiPipo Awards ey’omuyimbi asinga okukuba omuziki mu ggwanga n’oluyimba olusinga ezigenda okubeerawo enkya ku Lwomukaaga.


Ng’abantu tebannaba kusalawo, Lutalo ne Sheebah basookera ku Theatre La Bonita mu Kampala gye bategese olutalo lw’endongo giyite ‘Battle’ mwe bagenda okuttunkira mu kukuba omuziki, okuzina, okwambala n’ebirala olwo abadigize basalewo ani akira ku munne.


Teebereza nga Lutalo akuba Ujuwe ate Sheebah n’ayingizaawo Ice Cream. Bw’aleeta Eat Zote ono n’akuba Wankonakona.  Lutalo bwakuba Nkwagalira ddala, Sheebah n’akuba Nkwatako wamma ne nkulabira. Bino bigenda kubeera mu kivvulu ekituumiddwa ‘‘Nakusiima mu Wankonakoona Concert’’ ku Theatre La Bonita leero ku Lwokutaano n’enkya ku Lwomukaaga. Okuyingira 40,000/- ne 50,000/-.


Lutalo amaze emyaka 10 mu kisaawe ky’okuyimba. Yatandikira ku nnyimba nga Kapaapaala, Ayi Mukama, Kwasa kwasa, Saabulula, Manya, Mubbi bubbi, Woloolo n’endala ate Sheebah alina: Omwoyo, Love, Beera nange, Mummy yo,  Embeera zo, Binkolera, Go down, Nze wuwo, Sitaan Tonkema n’endala nnyingi.

More From The Author

Emboozi z’omuwandiisi endala

Emboozi endala

Katikkiromayigangaalinaboogezibokumikoloabeetabyekumukologwoluwalokubulanekulwokubiri002webusenu 220x290

Katikkiro Mayiga abakubirizza okunnyikiza...

Katikkiro wa Buganda, Charles Peter Mayiga akubirizza Ab'e Buluuli ne Ssese okunnyikiza obulimi kubanga teri mulimu...

Manya 220x290

Abakazi abasinga tebamalaamu kagoba...

Abakazi emirundi 6 ku 10 gye beegatta mu kaboozi tebatuuka ku ntikko. Wabula babuulire kwekoza nga abamazeemu akagoba....

Saalwa703422 220x290

Teddy ayanukudde Bugingo ku bya...

TEDDY Naluswa Bugingo ayanukudde bba Paasita Aloysius Bugingo ku kya ffiizi z’abaana ne ssente.

Florencekiberunabalongowebuse 220x290

Alina olubuto lw'abalongo ne by'olina...

Abasawo balaze abalina olubuto olulimu omwana asukka mu omu bye balina okukola obutabafiirwa nga tebannazaalibwa...

Research1 220x290

Ebizibu ebibeera mu kutambuliza...

ABATANDIKA omukwano ekimu ku birina okwewalibwa ku kugutambuliza mu kweteeka mu butaala ate nga si bwoli.