TOP

Cindy Ssanyu ne Sheebah bayomba: Beerangidde ebisongovu

By Martin Ndijjo

Added 23rd March 2019

OLUTALO wakati Sheebah Karungi ne Cindy Ssanyu nga buli omu yeewaana nga bw’asinga munne okukuba emiziki n’obuganzi mu bantu lwongedde okulanda.

The 703x422

Sheebah ne Cindy

Cindy eyeeyita Kabaka mu kuba emiziki (King herself) atuuse n’okugamba Queen Sheebah owa Team No Sleep (TNS) nti bw’aba nga ddala omuziki agwewulira era alowooza amusobola bategeke ekivvulu ky’ababiri (battle) zaabike emipiira.

Ababiri bano okutuuka okuva mu mbeera, kyaddiridde Cindy okusooka okunafuya Sheebah bwe yabadde amwogerako n’agamba nti wadde muyimbi mulungi, akyalina olugendo luwanvu kuba yamulaba ku konsati ye (eya Sheebah) gye buvuddeko ku Africana ng’avuya era abawagizi be beetaaga okumuwa obudde okuyiga ayongere okutereeza.

Yayongeddeko nti “Sheebah bwaba ayagala, nze ng’omusomesa era mukulu we mu kuyimba ndi mwetegefu okumuyigiriza naddala okuyimba ‘layivu’ kubanga kuno kumutawaanya nnyo.

Ebigambo bya Cindy bino olwagudde mu matu ga Sheebah naye n’amwa-mbalira. “Ndi mukyala wa bikolwa ebigambo nnina bitono. Nga bw’ayagala okunjigiriza okuyimba nange ajje muyiseeko e Munyonyo gye nzimbye tunoonye ne ku bupulooti osanga buli omu anaayamba munne waatasobola.

Njagala akakase nti okuyimba kw’ayagala okunjigiriza ndabika nkufunyeemu okumusinga.

Omanyi nze nsirika nnyo naye okusirika siri musiru” Ebigambo bya Sheebah ate Cindy yabirabye nga eby’okumulangira okuba omwavu kwe kumuddamu nti okuyimba nange nkufunyemu bingi.

Nga bwe nteekateeka okuzimba amaka g’ekirooto kyange, nze ne baganda bange tusobodde okuzimbira maama waffe amaka mu kyalo e Mbale n’e Munyonyo ate ndi bbosi nnina ttiimu y’abantu 15 be nkozesa mu kuyimba era mbasasula.

Siyinza kumuwaana ng’abulamu- Cindy

“Nkimanyi amazima gakaawa. Sheebah simulinaako buzibu okuggyako njagadde kwawukanako n’abakola ogw’okumuwaana obuwaanyi nga mubuulira ekituufu nti ekintu kye kibulamu.

Omulamwa tuli ku gwa kuyimba kuba ennyumba gye yeewaana nayo tagenda kugireeta ku siteegi kuyimba nayo.

Ani amugambye nti nze sigenda kuzimba olaba n’aba bodaboda ku siteegi yaffe bazimba.

 

 

More From The Author

Emboozi z’omuwandiisi endala

Emboozi endala

Buchanan asimbiddwa mu Kkooti y'amagye...

Omusubuuzi wa zaabu Samuel Buchanan asimbiddwa mu kkooti y’amagye n'avunaanibwa okusangibwa n’emmundu n'amassi...

Buchanan asimbiddwa mu kkooti y'amagye...

Omusubuuzi wa zaabu Samuel Buchanan asimbiddwa mu kkooti y’amagye n'avunaanibwa okusangibwa n’emmundu n'amassi...

Npc03webuse 220x290

Abavubuka bayambibwe mu byobulamu...

Abavubuka basaana bayambibwe mu byobulamu basobole okwekuuma, okwejjanjabisa n'okumanyisibwa ebikwata ku byobulamu...

Coffeetree1webuse 220x290

Alina omusaayi omutono muwe amazzi...

Atalina musaayi kozesa bikoola bya mmwaanyi ofune ogukumala

Camavingajpg111 220x290

Ttiimu za Premier 3 ziswamye musaayimuto...

Camavinga, wa myaka 16 era ttiimu za Premier zigamba nti akacanga nga Paul Pogba.