TOP

Muwala wa Kusasira amatira Rema okusinga nnyina

By Musasi wa Bukedde

Added 26th May 2019

MUWALA wa Kusasira kirabika asinga kumatira muyimbi Rema Namakula. Bwe yaweereddwa omukisa okwogera eri abazze okumujagulizaako yagambye nti “Kusasira ye maama wange era mmwagala naye matira nnyo Rema’’.

Father 703x422

Kusasira (wakati) ng’asala keeki ne muwala we Nagayi (owookubiri ku ddyo), mutabani we Shadrack Jjingo Sserugga Junior ne Oprah Sserugga (ku ddyo). Mu katono Nagayi ng’ayimba.

Okukakasa kino bwe baamugambye okubaako oluyimba lw’ayimba yalonze ‘Touch my body’ olwa Rema Namakula.

Phinera Jollen Nagayi muwala w’omuyimbi Catherine Kusasira ye yayogedde bino ekyewuunyisizza abantu abeetabye ku kabaga ak’ebbeeyi maama we ke yamukoledde ng’ajaguza okuweza emyaka 13.

 agayi wakati ne banne ku masala Nagayi (wakati) ne banne ku masala.

Ku kabaga kano akaabadde ku Land Star Hotel e Makindye ku Lwokutaano, Phinera yayongedde okukakasa nga bw’ayinza okufuuka omuyimbi ow’omutawaana okusinga ne bazadde be (Kusasira ne Fred Sserugga) bwe yakubye abagenyi be emiziki egyasitudde n’abamu mu butebe bakoone dansi.

Kusasira bwe yatuuse okwogera yayogeddeyo bitono oluvannyuma n’agamba nti “Phinera yaηηamba nti nze bye nnyimba tebimunyumira kammuyitire ‘maama’ we Rema gw’asinga okwagala ayogere.”

 agayi ngali ne ema amakula gwamatira Nagayi ng’ali ne Rema Namakula gw’amatira.

Rema eyabadde omucamufu yeebazizza Phinera okumwagala ennyo era naye n’amusuubiza okumubeererawo mu buli kimu ebbanga lyonna.

“Nkimanyi onjagala nnyo ne maama wo (Kusasira) yaηηamba weegomba nnyo Rema naye nkusuubiza ηηenda kubeerawo. Oyagala nnyo okuyimba era ndi mwetegefu okuyamba naye ate njagala ne ku ssomero osome nnyo era obeere muwala ow’empisa awo ojja kuba muwanguzi,” Rema bwe yamubuuliridde.

 agayi wakati ne banne ku masala Nagayi (wakati) ne banne ku masala.

Akabaga era kalaze nga bwe waliwo enkolagana ey’enjawulo wakati wa famire ya Sserugga ne Kusasira n’eya Geoffrey Lutaaya ne Irene Namatovu anti ng’ogyeko abaana ba Lutaaya okwetaba ku mukolo, embeera n’engeri obwedda gye bakwataganamu n’aba Kusasira okugeza Pius Lutaaya nga tateηηana ne Shadrack Jjingo Sseruga Junior owa Kusasira so nga Nalule Lutaaya naye yabadde tava ku lusegere lwa Phinera.

Ne muwala wa Sserugga omukulu (atali wa Kusasira) Oprah Sserugga naye ku kabaga yabaddeko era yasiimye Kusasira okubaagala ennyo.

More From The Author

Emboozi z’omuwandiisi endala

Emboozi endala

760c92ca9f694295837ec90b52ac134f 220x290

Ssekiboobo aziikiddwa mu kitiibwa...

Omwami wa Kabaka ow'essaza ly'e Kyaggwe eyawummula, Ssekiboobo Alex Benjamin Kigongo Kikonyogo olwaleero aziikiddwa...

A84388d55eaa4efa9fcc00052969dc53 220x290

Omuyimbi Grace Ssekamatte alwanaganye...

Omuyimbi Grace Ssekamatte omu ku ba dayirekita ba Golden band asiibuddwa okuva mu ddwaaliro gy’amaze wiiki nnamba...

Cor 220x290

Beerumirizza okusaddaaka owabbooda...

OMUTUUZE eyasaddaakiddwa ne bamusuula mu kinnya okumpi n’ekyuma ky’omugagga Ephraim Bbosa, akwasizza abantu bana...

Tra 220x290

Eddagala lya ARV’S lisobola okulwanyisa...

OLWALEERO tewali ddagala ttuufu lyazuuliddwa okuba nga lijjanjaba obulwadde bwa COVID 19 .

Tabu 220x290

Ziizino endwadde endala ezirina...

ABANTU 44 baakakasiddwa mu Uganda nga balina ssennyiga omukambwe (coronavirus) era bajjanjabwa nga n’abalala bateekeddwa...