TOP

Abavuganya mu mpaka za Miss Uganda bayolesezza ebitone.

By Martin Ndijjo

Added 19th July 2019

Abawala 22 abavuganya mu mpaka za Miss Uganda battunse mu mpaka z'okwolesa talanta

Miss 703x422

Mariam Muhamed (ku kkono) ne Nabirah Nagawa

NG’EBULA ennaku mbale okulonda nnalulungi wa Uganda omuggya (Miss Uganda 2019/2020) annaddira Quiini Abenakyo mu bigere kubeewo, ebbugumu lyeyongedde mu nkambi nga buli omu yeeswanta okusitukira mu ngule eno.

Ku Lwokuna ekiro kyayitiridde ku Sheraton hotel ng’embooko z’abawala 22 abavuganya buli omu ayolesa ekitone kye mu kiro ekyatuumiddwa (Talent Show) nga gwe gumu ku mitendera abawala bano gye bavuganyaako.

 bamu ku bavuganya nga bolesa ebitone Abamu ku bavuganya nga bolesa ebitone.

Empaka zino tezaakomye kuteeka bawala abaavuganyizza bokka ku bunkenke wabula n’abalabi wamu n’abawagizi baabwe. Omu kwomu obwedda balinnya ku siteegi okulaga kye balinawo ng’abawagizi baabwe bwe bawaga n’okubakubira enduulu ey’oluleekereeke.

Omuwanguzi waakuyitibwa ‘Miss talent’ era waakulanirirwa ku mukolo ogw’akamalirizo kwe banaalangiririra ne nnalulungi omuggya nga July 26 ku wooteeri ya Sheraton.

 abamu ku bavuganya abamu ku bavuganya.

Mu bitone ebyayoleseddwa mwabaddemu amazina gw’obuwangwa, okwolesa emisono gy’engoye, okutontoma,

okusoma amawulire n’omuweereza w’oku Ttiivi ne leediyo, okuyimba, okukola obwakalabaalaba n’ebirala.

 renda anyonjo omutegesi wempaka wakati nayogera Brenda Nanyonjo omutegesi w'empaka (wakati) n'ayogera.

Brenda Nanyonjo omutegesi w’empaka yagambye nti okulonda omuwanguzi tebagenda kutunuulira ndabika ya muntu yokka wabula n’ekyo ky’asobola okukola nga y’ensonga lwaki batambulira ku mulamwa ogugamba nti ‘‘Beauty with Purpose’’ ekitegeeza ‘‘Obulungi n’ekigendererwa

 abamu ku bawagizi nga bawaga abamu ku bawagizi nga bawaga.

 

More From The Author

Emboozi z’omuwandiisi endala

Emboozi endala

Lab1 220x290

Micheal Muhumuza amanyiddwa nga...

Micheal Muhumuza amanyiddwa nga Ssuula Mpya akubirizza abazadde okuweerera abaana

Dot1 220x290

Ab’e Kakuuto basse omukago n’Abatanzania...

Ab’e Kakuuto basse omukago n’Abatanzania okwekulaakulanyaBa

Gat1 220x290

Ba Imam balabuddwaku kuwoowa abaana...

Ba Imam balabuddwaku kuwoowa abaana abatanneetuuka

Sam1 220x290

KibuuleEddwaaliro ly’e Kitanda...

KibuuleEddwaaliro ly’e Kitanda liri ku ‘kitanda’

Kot2 220x290

Balumbye poliisi bagiggyeko gwe...

Balumbye poliisi bagiggyeko gwe baakutte ne boda enzibe