TOP

Rwakataka yejjeerezeddwa emisango gy'obutemu: Ajaganya

By Musasi wa Bukedde

Added 23rd December 2015

Kafulu mu kuvulumula mmotoka z'empaka, Ponsiano Rwakataka asimattuse akalabba kkooti bw'emwejjeerezza egy'obutemu

Rwakatakacase1 703x422

Abawagizi ba Rwakataka nga bamusitudde oluvannyuma lwa kkooti okumwejjeereza emisango gy'obutemu

PONSIANO Rwakataka asimattuse akalabba kkooti enkulu e Masaka bw'emwejjeerezza egy’obutemu.


Omulamuzi wa kkooti enkulu e Masaka, John Eudes Keitirima ng’awa ensala ye agambye nti obujulizi obwaleetebwa mu kkooti tebulumika Rwakataka nti yeetaba mu kutta abantu.

 

Abadde ku misango gy’okutta abantu 9 abattirwa e Kyebe - Rakai mu Junuary wa 2013. Abattibwa kuliko: Pastor Steven Mugambe  eyali akulira  ekkanisa ya Kyebe Pentecostal Church ne Noelina Nalinya.

 

Abalala ye; Bena Nakivumbi, Jane Nakiwala, Max Nakirijja, Maria Namatovu, Christine Namuleme, Dan Kazibwe ne Andrew Ampeirwe  okuva e Jinja .

 

Rwakataka olwamala okumweyimirira ku misango gy’okukusa obwennyanja obuto e Kaliisizo mu July wa 2014, abaserikale ne bamukwata ne bamukwata n'atwalibwa e Masaka n'aggulibwako egy’obutemu.

 

Abadde avunaanirwa wamu ne Emmanuel Zinda naye eyejjeerezeddwa wabula Muddu eyakkiriza okwetaba mu kutta era eyali alumiriza Rwakataka ye asibiddwa mayisa.

More From The Author

Emboozi z’omuwandiisi endala

Emboozi endala

Tap11 220x290

Okubeera bamuzibe tekitugaana kwekolerera...

Okubeera bamuzibe tekitugaana kwekolerera

Gab1 220x290

Ssaabasumba Lwanga akyalidde Gabunga...

Ssaabasumba Lwanga akyalidde Gabunga

Hat13 220x290

Omuliro guzizza abasuubuzi emabega...

Omuliro guzizza abasuubuzi emabega

Tum1 220x290

Ab’e Lwengo basattira lwa bubbi...

Ab’e Lwengo basattira lwa bubbi bw’ebisolo n’emmere

Kab1 220x290

Aboolugave baakununula obutaka...

Aboolugave baakununula obutaka bwabwe