TOP

Ndi muto mu by’abasajja

By Musasi wa Bukedde

Added 29th July 2017

Shaa, naye abawala mwayiga awo kati nga ggwe oyinza otya obutabaayo na munno? Munnange eby’abasajja nkyabitaddeko nnatti.

United 703x422

MWANA ggwe wakomyewo ddi?

Ate okuva wa?

E Gabon, nzijukira nakulaba ku ttivvi nga mulaba ogwa Uganda Cranes e Gabon.

Wabula weetegereza, navaayo dda nnyo, mwebale kutusabira.

Anti ekimuli buli we kibeera bakiraba, kati ovaako wa?

Owange, simanyi bakusasudde?

Nedda nnyabo nze ndi wa lugambo gwe bayita ow’amawulire, kati nno mbuuliraako gy’obeera.

Mbeera waka.

Wabula okimmazeeko, abakyala abalungi tebaba bakambwe naawe...

Kale mbeera Lubaga.

Olwo bwe ntuuka e Lubaga noonya ani?

Obuuza Esther Kisakye.

Okola mulimu ki?

Ndi cashier mu supermaket emu mu Mengo.

Kati nno ofunye kasitoma ataakusabe bbaalansi, ali atya asula ng’akuttira ensiri mu kiro?

Oyo sinnamufuna nkyazeekubira.

Shaa, naye abawala mwayiga awo kati nga ggwe oyinza otya obutabaayo na munno?

Munnange eby’abasajja nkyabitaddeko nnatti.

Yiii, lwaki?

Anti omukwano kiyungu ate sinnayagala kuwunya mukka, na kukaaba.

Ky’ogamba wayingiramu ko n’okivaamu?

Nedda mbirabira ku mikwano gyange.

Ky’ogamba okyali talatibu?

Akabuuza ggyako, sirabangako.

Bagamba mwe mutera okuba ababisi mu kisenge.

Ekyo ndowooza ya ssekinnoomu naye nze mmanyi mbitegeera.

Ate nno nange nnoonya wa kutwala waka anfumbire.

Musajja wattu oyinza okutomera kuba ebyange bya mpolampola.

Kati ebibyo bitwala bbanga ki okutuuka okukkiriza?

Kisinziira obukodyo bw’akozesa kati ggwe obwo obubwo omwaka guyinza obutaba munene.

Kale mpa ku nnambayo ey’essimu kwe naakukubira nga nfunye obukodyo obulala.

Ennamba teyeetaagisa gwe buli w’oneetaagira oteegera wano ku budde bwe buti.

More From The Author

Emboozi z’omuwandiisi endala

Emboozi endala

Amomentwithteachergracenampiimaeditortotomagazinewebuse 220x290

Ensonga 5 lwaki omwanawo olina...

Abakugu bakulaga ensonga lwaki osaanye okusasulira omwana wo okugenda okulambula

Passionfruitpannacotta800800webuse 220x290

Ebivaako omwana okuziyira

Genderera omwana wo okutangira okuziyira okusobola okutangirwa

4webuse 220x290

Omuwendo gw’abantu abakozesa kondomu...

Bannayuganda bakubiriziddwa okwettanira okukozesa kondomu bwe tunaaba baakumalawo siriimu ng'omwaka 2030 tegunnatuuka...

Unity 220x290

Akwatibwa ng'awa abaana abataayaayiza...

EBYOKUSAAGA bikomye: Minisita w’ensonga z’abaana Florence Nakiwala Kiyingi ategezezza nti omuntu yenna anaakwatibwa...

Unique 220x290

Etteeka ku bamansa kasasiro lijja...

MINISITA avunaanyizibwa ku guno na guli Mary Karooro ategeezezza nti gavumenti egenda kuleeta erobonera abamala...