TOP

Eriiso lyange limiza bangi amangota

By Musasi wa Bukedde

Added 2nd April 2019

Lyo eriiso lyange limiza bangi amangonta.

Sula 703x422

WABULA minisita yeetaaga ayongere atutegekereyo empaka endala ezitali eza Miss Curvey.

Haha, bw’obadde awo n’ogamba nti k’oyingirire emirimu gya minisita egy’okukuba ebifaananyi tegikumala?

Sikulimba mwana ggwe okuva lwe watuuse wano bwe nkutunuulira ndaba nga minisita aliko ssente z’atalaba.

Olwo ssinga ggwe minisita obadde ogenda kutegeka ziriwa endala?

Mbadde nja kutegeka eza bamaasombira (Miss eyes).

Haha, wabula nvaako musajja wattu tukube ebifaananyi tuve wano obudde buzibye.

Naye nga tuvudde mu by’olwali waliwo omusajja gw’otunuuliza eriiso eryo n’atakwata mu waleti?

Lyo eriiso lyange limiza bangi amangonta.

Tereera ggwe nze nkukube onoonya bansale ku musaala.

Naye era by’onkubye bimala naawe.

Tofaayo nyumirwa buli lw’okyusa eriiso kambikube kaadi bw’enejjula tunannyuka.  Ye sooka ombuulireko gy’obeera kuba ffe bakasitoma be tukolako tufaayo okumanya gye babeera.

Mbeera Gaba.

Wamma nalabiddewo ng’olabika onyumirwa nnyo okuwuga.

Okuwuga kunyumira naye ate si kyensinga okwagala.

Mbuulira by’osinga okunyumirwa byemba ntandika okukola kuba gwe maama eryo eriiso teriviikako.

Njagala nnyo okugula ebintu (Shopping). Kintu ki nga buli lw’ogenda okugula ebintu toyinza kukyerabira. Cokuleeti kuba ampoomera nnyo.

Obudde bwo obweddembe osinga kwagala kubumala n’ani?

Mbeera ne maama wange.

Shaa, olwo kati bw’onohhamba nti obeera ne balo ebifaananyi ne mbikuba bubi?

Sikyekyo, naye amazima gali nti taliiwo.

Ky’ogamba omuwala omulungi nga ggwe oyinza okubeererawo nga toliiko mulaalo?

Abalaalo bakuba emmigo ate nze ngitya.

 

Ekikulu nammwe abawala ennaku zino muyitiriza okwerondalonda.

Si kweronda naye okupapa si kirungi oyinza okutomera.

Kati gwe gw’ogenda okukkiriza oluvannyuma lw’okwetegereza alina kuba ng’afaanana atya?

Abavubuka abakatakketakke bankolera, mpozzi n’ekirala alina okuba n’empisa ate ng’alagikako ne mu bantu.

Ku musajja omukulu ng’alina ssente n’omuto nga talinaawo otwala aluwa?

Ssente tezinsuula ku nkonge hhenda n’omuto ne tukola.

Mpozzi wahhambye okolera wa?

Nkolera Kabalagala mu Superlife nga kitunzi.

Mpulira nti abakyala tebakyakola mulimu gumu gwe olinayo omulala?

Ngattako n’okuzannya firimu.

Naye n’olususu lunsusseeko, oluliisa mmere ki?

Nsinga kulya muceere n’ebivaavava.

Bawala banno biki bye bakola ebikunyiiza?

Omuwala ageya munne annyiiza.

Ononsonyiwa okukubuuza emyaka gyo naye mpulira nnina okugimanya.

Nze sikweka myaka, nnina 20.

Muzannyo ki gw’osinga okusubwa gwe wazannyanga mu buto?

Okwepena nkyakusubwa.

Maama wo wamuyigirako ki?

Namuyigako okwagala n’okukwata empola.

Ndabira ddala nga tugenda kukola amaka agasingayo obulungi.

Nedda ssebo tukome awo gy’olaga ndabayo.

More From The Author

Emboozi z’omuwandiisi endala

Emboozi endala

Amomentwithteachergracenampiimaeditortotomagazinewebuse 220x290

Ensonga 5 lwaki omwanawo olina...

Abakugu bakulaga ensonga lwaki osaanye okusasulira omwana wo okugenda okulambula

Passionfruitpannacotta800800webuse 220x290

Ebivaako omwana okuziyira

Genderera omwana wo okutangira okuziyira okusobola okutangirwa

4webuse 220x290

Omuwendo gw’abantu abakozesa kondomu...

Bannayuganda bakubiriziddwa okwettanira okukozesa kondomu bwe tunaaba baakumalawo siriimu ng'omwaka 2030 tegunnatuuka...

Unity 220x290

Akwatibwa ng'awa abaana abataayaayiza...

EBYOKUSAAGA bikomye: Minisita w’ensonga z’abaana Florence Nakiwala Kiyingi ategezezza nti omuntu yenna anaakwatibwa...

Unique 220x290

Etteeka ku bamansa kasasiro lijja...

MINISITA avunaanyizibwa ku guno na guli Mary Karooro ategeezezza nti gavumenti egenda kuleeta erobonera abamala...