TOP

Omusajja alemeddwa okuzimba

By Musasi wa Bukedde

Added 15th January 2019

Tumina abaana bataano naye tukyapangisa.Omusajja alemeddwa okuzimba, njagala kumuleka nfune omulala.

Tulina baana batano n’omusajja, naye tulemedde mu muzigo. Omwami wange afuna ssente kubanga alina boda bbiri naye ennyumba emulemye okuzimba. Ate nga tulina akabanja ke tusoboola okuzimbamu ennyumba. Nze ndi waka sikola kubanga abaana bangi nina okubalabirira. Kati Ssenga nfune omusajja omulala ono muleke n’abaana be?

Mbadde ndowoooza nti abaana abo naawe babo. N’ekirala bw’osalwo okufumbirwa omusajja olina okumanya nti ng’omusajja alina obunafu bwe era naawe nga bw’olina obunafu bwo. Olina okukkiriza nti oyo ye musajja gwe wasiima era mulina okuyita mu bizibu mwembi. Kigambo kuzimba nnyumba si kyangu nga bw’ogamba. Sigaanyi alina boda bbiri naye tomanya ayinza okuba nga ssente tamanyi kuzitetenkanya kulaba nti azimba. Abantu bangi n’abalina ssente ennyingi okuzimba kubalema. Noolwekyo ensonga eno gikwate mpola. Okusookera ddala abaana b’oyagala okulekawo naawe babo, era olina obuvunaanyizibwa ku baana abo. Ekirala kigambo kuzimba nnyumba naawe kikukwatako. Sigaanyi obuvunaanyizibwa bwa musajja okusinga naye tulina okuyambagana. Ennaku zino abakyala abalinga ggwe bazimbye amayumba. Olina okwebuuza amayumba bagazimbye batya? Ogambye nti ggwe obeera waka naye era waliyo abakyala ababeera awaka naye nga bazimbye amayumba. Abakyala bangi ennaku zino abalina bu bizinensi nga buli waka. Mwana wange mulina okuyiiya ne munno okuzimba kubanga ate n’ekibanja mukirina. Okufuna w’ozimba oluusi we wazibu naye musobola okuzimba mpola mpola. Ate musobola n’okuyingira ennyumba nga tennaggwa. Buli kintu kyetaaga buvumu era bw’olaba nga munno munafu mu nsonga emu oba endala ggwe olina okusitukiramu n’okola ekisaanidde.


 amaaka. Nkubira wongere okwogera kusonga enno.

More From The Author

Emboozi z’omuwandiisi endala

Emboozi endala

Namwandu 220x290

Bannamwandu ba Kirya balumbye muggya...

FAMIRE y’omugenzi Sheikh Ibrahim Kirya eyatemulwa mu 2015 eyongedde okutabuka ng’entabwe eva ku bigambibwa nti...

5216 220x290

Kkondomu ezisoba mu kakadde 1 ezirimu...

Bannayuganda abettanira kkondomu za Life Guard baweereddwa amagezi okwekenneenya kkondomu ze bagula nga tebannazikozesa....

Abataka1webuse 220x290

Tetugenda kusirika ng'ebika bisereba...

Bakatikkiro b'ebika balayidde obutaleka bika kusereba ne basalawo okwegatta bakolere wamu okubitumbula

Muzaata 220x290

Ebyabadde mu nsisinkano ya Museveni...

Pulezidenti Museveni asisinkanye akakiiko ka poliisi akafuzi n’alagira abaserikale essira balisse ku kulwanyisa...

Lim21webuse 220x290

Engeri gy'olimira mu kkutiya okufuna...

Omusomesa akulaga bw'akozesa ebikutiya okukola ssente mu kulima enva endiirwa