TOP

Ssenga nkole ntya okumusanyusa?

By Musasi wa Bukedde

Added 21st February 2011

SSENGA gyebaleko, omusajja yaηηambye nti simusanyusa mu buliri. Kati nkole ntya? Mbadde bulungi era nga mbeera n’abasajja naye teri yali akiηηambye.

Ssenga1 703x422

Mwana wange okusookera ddala, omuntu yenna ky’akugamba tolina kukigendeerako. Waliyo abantu nga baagala kulemeesa mbeera oba kukweggyako. Kale n’akugamba ekisembayo gwe okiveeko.

Embeera eyo eremesa abantu bangi okukola oba okubeera kye baagala. Abasajja abamu bw’ayagala okweggya ku mukyala ng’amugamba ebintu ebimalamu amaanyi ng’ekyo, asobole okumweggyako.

Ekirala, asobola okukugamba bwatyo ng’ayagala awulire ky’omuddamu.

Kati naawe olina okumuddiza n’omubuuza ky’ategeeza. Era omugambe nti oba ayagala omusanyuse olina kukola ki?

Oyinza okwesanga nga talina ky’akudamu. Noolwekyo toggwaamu maanyi na ssuubi.

N’ekirala, buli musajja wa njawulo mu kimusanyusa. Era ng’abakyala bwe tuli nti buli mukyala ekimusanyusa kya njawulo.

Kale ono oba tomusanyusa ogenda kufuna gw’osanyusa. Naye olina n’okwegendereza ddala omusajja ono akwagala oba akukozesa.

Kubanga omusajja akwagala tasobola kuteekawo mbeera eno. Alina kukugamba bulungi mu mukwano bw’obeera n’ekizibu mu kwegatta.

Naye ono ayagala kukweggyako kwe kukozesa ebigambo ebinaakugoba.

More From The Author

Emboozi z’omuwandiisi endala

Emboozi endala

Kim1 220x290

Minisita Muyingo akubirizza amatendekero...

Minisita Muyingo akubirizza amatendekero okussa essira ku masomo agalina akatale

Det22 220x290

Ssemaka ow'emyaka 56 atudde senior...

Ssemaka ow'emyaka 56 atudde senior 6 ne mutabani ne basibagana mu bubonero.

Nom1 220x290

Poliisi ennyonnyodde entabula y'ebidduka...

Poliisi ennyonnyodde entabula y'ebidduka ku mukolo gw'okutuuza omulabirizi

Grave1 220x290

Abaffamire ya Nkoyooyo batabuse...

ABA FFAMIRE y’eyali Ssaabalabi­rizi w’ekkanisa ya Uganda, omu­genzi Bp. Livingstone MpalanyiNkoyoyo baguddemu ekikang­abwa...

Sit24 220x290

Abawala babuutikidde abalenzi mu...

Abawala babuutikidde abalenzi mu bya senior 6