TOP

Weezigule bulungi odde buggya

By Musasi Wa

Added 14th February 2012

ABAKYALA n’abawala abamu olunaku lwa Valentayini lubaleka mu maziga olw’abaagalwa baabwe okubayiwa.

ABAKYALA n’abawala abamu olunaku lwa Valentayini lubaleka mu maziga olw’abaagalwa baabwe okubayiwa.

Omukyala akyayiddwa atera okwesalira omusango ng’alowooza nti osanga waliwo ky’atatuukirizza ekireetedde munne okuwuguka n’agenda n’omulala.

Okwewala bino byonna, omukyala ateekwa okwerongoosa mu ngeri ey’enjawulo munne amutunuleko ng’alaba asaanidde
okucakala naye ku Valentayini.

Fuba okulaba ng’ebitundu by’omubiri byo byonna birabika bulungi. Bw’oba bulijjo enjala z’engalo n’ebigere tozifaako, ku luno zizigule, kuba teri musajja ayagala kutambula na mukazi alina masanda mu ngalo.

Ate tokoma ku kuzisiiga kwokka, kirungi engalo zonna okutwaliza awamu ozikoleko zisobole okugonda obulungi, munno
omukwateko nga naye anyumirwa.

Enviiri nazo tozisuulirira. Ne bw’oba ng’olina omusono gwe wasiba ng’osuubira kugumazaayo emyezi ebiri, ku luno guggyeeyo
osibe omupya, munno asobole okukutunulako ng’oli mupya.

Akawoowo tokeerabira. Ne bw’onooyambala n’onyuma kyokka nga teweekubye kawoowo munno tajja kusikirizibwa bulungi. Ate akawoowo tekikwetaagisa kwekuba kawunya nnyo, funa akasaamusaamu.

Bw’oba nga bulijjo teweekolako, fuba ku luno okukyusaamu.

Omukyala nga yeekolako. Weekoleko osanyuse omwagalwa wo.

Bwe muba baakucakalako ne munno, weekoleko osobole okwaka, wabula ate weewale okuyitiriza. Yambala olugoye olukunyumira olyoke otambule ne munno nga naye asanyuse, ojja kulaba

Weezigule bulungi odde buggya

More From The Author

Emboozi z’omuwandiisi endala

Emboozi endala

Kavuma1jpgweb 220x290

Omukazi yanfera omukwano

Nze Abdurrahman Musingunzi 25, mbeera Kalerwe. Twasisinkana n’omukazi mu ttendekero erimu eryobusomesa e Ibanda...

Mwana2jpgweb 220x290

Abazadde basobeddwa olw'omwana...

Abazadde basobeddwa olw'omwana waabwe okuyubuka olususu buli olukya naye nga tebamanyi kimuluma. Bagamba nti omwana...

Kadaga 220x290

Kadaga alabudde abakozesa obwana...

Sipiika wa Palamenti, Rebecca Kadaga asabye gavumenti okussaawo amateeka amakakali agakangavvula abakozesa abaana...

Ndagamuntuyomugenzi2 220x290

Afiiridde mu mulyango nga bamutwala...

Abatuuze basabye bannannyini mayumba okukomya okupangisa abantu amayumba nga tebafunye bibakwatako

Sat2 220x290

Ttiimu 40 zikakasizza okwetaba...

Ttiimu 40 zikakasizza okwetaba mu mpaka za Begumisa cup