TOP

Obufumbo bwali bunfuukidde ekkomera

By Musasi Wa

Added 15th January 2014

Nnaliko mu mukwano era ne mbeera ne mu ddya okumala emyaka ebiri miramba naye sirina kye nzijukira nti kiyinza okunkaka okudda mu bufumbo.

2014 1largeimg215 jan 2014 090705117 703x422



NZE Noelina Nakiyana mbeera Byerima mu disitulikiti y’e Kyankwanzi nga nasigala kwekolera mirimu gyange eby’abasajja nnabikoowa.

Nnaliko mu mukwano era ne mbeera ne mu ddya okumala emyaka ebiri miramba naye sirina kye nzijukira nti kiyinza okunkaka okudda mu bufumbo.

Ebbanga lyonna eryo nnalimala ng’omusajja ankuuma nga musibe kyokka nga talina ky’ampa. Bwe yali yaakankwana yalina empisa z’otolabanga era ng’alaga nga bw’anneesiga ennyo.

Mu butuufu yali ampa emirembe era ssaakirowoozaako nnyo bwe yansaba okumufumbirwa kubanga nnalaba nga nfunye omusajja atasangika olw’embeera ze.

Twatandika obufumbo bwaffe era nga nnina emirembe anti nga nkola buli kye njagala nga ne bwe mba waakutambulako mmutegeeza butegeeza si kumusaba anti nga tang’aana kubanga yali andaze nti takirinaamu buzibu.

Tuba tuweza omwaka, munnange n’atandika okundaga langi ze entuufu. Kino yakitandikira ku mikwano gyange gye yang’amba nti tayagala kuddamu kundaba na muntu.

Nnasooka ne ndowooza nti asaaga kubanga si bwe yali wabula yandaga nti akitegeeza bwe yanteekako n’amateeka obutaddamu kuva waka.Yatandika okukambuwala nga buli kiseera anninnya akagere ne mpulira ng’emirembe gimpeddeko.

Teyakoma kwekyo wabula yalekeraawo n’okumpa ebyetaago nga bwe musaba ekintu tannyega ate nga takikola. Nnali nteekateeka kumuzaalira naye embeera ze bwe zaakyuka nange ne nninya ekya wakati.

Emyaka bwe gyawera ebiri nnagenda okulaba nga sijja kusobola bufumbo bwa busibe kwe kunobayo. Natandika obulamu obuggya era kati mbee¬beerera bwomu.

 

Obufumbo bwali bunfuukidde ekkomera

More From The Author

Emboozi z’omuwandiisi endala

Emboozi endala

Starleaguenov162019kccabtvipers10kizzaandwilla2 220x290

KCCA FC ekubye Vipers awaluma

KCCA FC emezze Vipers SC egikyalidde e Lugogo ku kisaawe kya Star Times ku ggoolo 1-0 ng’eteebeddwa Mike Mutyaba...

Buza 220x290

Omusajja omukodo abuza omuliro...

TEWALI kintamizza basajja nga bukodo. Balinga abatamanyi nti omukyala yenna aweebwa kubanga kibi nnyo okukama ente...

Wuga 220x290

Omulwadde wa siriimu asobola okuzaala?...

NDI mukyala ayagala waakiri okuzaalayo omwana omu kubanga nnina siriimu. Naye ssenga, kandida annuma naye neebuuza...

Jino 220x290

Ow’emyaka 90 alumirizza ekkanisa...

NNAMUKADDE ow’emyaka 90 alumirizza ab’ekkanisa ya Uganda okumutundira mu ttaka ly’abaddeko emyaka egisoba mu 60....

Linda 220x290

Stecia awadde Julie obukwakkulizo...

ABAYIMBI n’abasuubuzi bongedde ebbugumu mu nteekateeka y’emikolo gy’okwanjula kwa Julie Ssemugga egisuubirwa okubeerawo...