TOP
  • Home
  • Ssenga
  • Ebintu by’oyinza okukolera munno n’asanyuka

Ebintu by’oyinza okukolera munno n’asanyuka

By Musasi wa Bukedde

Added 22nd December 2015

KINO kye kiseera ekituufu gwe alumirirwa omukwano gwo wamu naawe agwagaliza okugenda mu maaso ky’olina okweyambisa okuguteekamu ggiya ennene.

Birabobb 703x422

Ebirabo ebisibiddwako obulungi

KINO kye kiseera ekituufu gwe alumirirwa omukwano gwo wamu naawe agwagaliza
okugenda mu maaso ky’olina okweyambisa okuguteekamu ggiya ennene.

Nga tulindirira Ssekukkulu emaze okuweta ekkoona wamu n’enkomerero y’omwaka,
buli muntu alina munne yandibadde afaayo okumukolera eky’enjawulo ekimulaga nti
amufaako mu ngeri ey’enjawulo.

Wammanga bye bimu ku bintu bino:

1 Ekirabo. Mu kiseera kino ekirabo kabonero ka nkukulanala akakasa omuntu nti omufaako mu ngeri ey’enjawulo. Mu bulamu buli muntu alina ekirabo ekimusanyusa.
Ky’olina okukola kwe kunoonyereza ekika ky’ekirabo n’oluvannyuma okimuwe
mu ngeri y’obukodyo.

2 Muwaaneko. Funa ekintu eky’enjawulo mu bulamu bwa munno okisoosoowaze mu ngeri y’okumuwaana. Abakyala baagala nnyo okubawa obubonero mu ndabika songa abasajja ekibawa essanyu kwe kusiima engeri gye bakolamu emirimu.

3 Mutwaleko awutu. Ebifo ebisanyukikirwamu biri mu buli nsonda ya nsi. Wabula bangi ku bafumbo balowooza nti ebifo bino si byabwe era babiyitako buyisi.
Ku mulundi guno munno mutwalako mu kifo nga kino mulye ku ssente ng’enjogera
y’ennaku zino bw’eri. Kiyinza okuba ekyeggulo oba ne mukola enteekateeka
y’okumalayo ekiro waakiri kimu.

4 Munaanike empeta. Mmwe abatannafumbiriganwa mu butongole musobola
bulungi okukwata empeta ne muzeenaanika mu nkola ya ‘nkusibidde awo’. Kano kabonero akalaga nti mulina ekigendererwa mu mukwano. Ate mmwe abaayita mu mbeera eno, era mukyasobola okwejjukanya. Kino kijja kwongera obwesige mu munno.

5 Kyalira ku bantu be. Ggwe omukyala kwata ssente z’osobola obeeko ekintu ekikalu ky’ogulira maama wa munno bw’aba waali. Kiyinza okuba ekikooyi, omukeeka, ekitambaala n’ebirala. Ate ggwe omusajja oyinza okukyalira Ssengaawe oba bazadde
be n’obaako ky’obeetikkira. Bino byongera okuggumiza omukwano gwammwe.

6 Obubaka obuwandiike. Essimu n’emikutu gy’empuliziganya gigonzezza
nnyo ensonga z’omukwano. Munno muwandiikire obubaka obumwagaliza ennaku
enkulu n’omwaka nga weeyambisa obugambo obuggyayo obulungi ekigendererwa
kyo. Nammwe abatalina ssimu mukyayinza okukozesa obubaluwa.

7 Mumaleeko ennaku enkulu nga muli wamu. Mutandike olunaku n’okulumalako
nga muli wamu mu ngeri ya kabaani ku ndongo. Abafumbo bangi bagenda bokka
mu masinzizo era ne batuula bokka.

Ku mulundi guno munno tomuleka kugenda yekka newankubadde okutuula yekka. N’abaana bammwe nabo temubaleka mabega. Embeera eno ejja kwongera ebirungo
mu mbeera zammwe ez’obufumbo.

More From The Author

Emboozi z’omuwandiisi endala

Emboozi endala

Malawo 220x290

Agula emmaali y’omufu mu bukyamu...

WADDE okufa tteeka naye kino tekikugaana kukola nnyo obeereko ebyobugagga by’olekera abantu bo ssinga Katonda abeera...

Ssenga1 220x290

Njagala kutandika bulamu

NNINA siriimu era mmaze naye emyaka egiwera. Baze yafa ne nsigala n’abaana naye kati mpulira nnina okufuna omusajja...

Img20190117wa0028 220x290

Sipiika alagidde Katuntu okuyimiriza...

SIPIIKA wa Palamenti Rebecca Kadaga alagidde akakiiko ka COSASE akakubirizibwa Katuntu akabuuliriza ku mivuyo egyetobeka...

Soma 220x290

Abatuuze katono batte be balumiriza...

ABATUUZE ku kyalo Kiryamuli mu Ggombolola y’e Gombe mu disitulikiti y’e Wakiso bakkakkanye ku basajja babiri abagambibwa...

Panda 220x290

Maneja Kavuma ayagala Abtex amuliyirire...

Olutalo lw’abategesi b’ebivvulu, Musa Kavuma (KT Events) ne Abby Musinguzi amanyiddwa nga Abtex lusituse buto....