TOP
  • Home
  • Ssenga
  • Omusajja olwamunenyezza n’angoba awaka

Omusajja olwamunenyezza n’angoba awaka

By Musasi wa Bukedde

Added 6th January 2016

Nze Oliva Birungi mbeera Wamala-Katooke. Ebbanga lye mmaze n’omwami wange abadde tandaga mize gye naye akyuse mu kiseera kitono mu ngeri gye sitegeera.

Funa 703x422

OMUSAJJA okukugoba awaka ku lunaku lw’obadde osuubira okufunirako essanyu kiyungula amaziga! Abasajja singa bakimanyi ku nnaku enkulu zino bandibaddenga bongeza omukwano ate ne bwe kubeera kukola bandikwesonyiye ne basigalako naffe bamaama b’abaana ne tusanyukako nabo.

 

Nze Oliva Birungi mbeera Wamala-Katooke. Ebbanga lye mmaze n’omwami wange abadde tandaga mize gye naye akyuse mu kiseera kitono mu ngeri gye sitegeera.

 

Omusajja alina omulimu gwa buvunaanyizibwa era bw’omusanga olabira ddala omuntu ow’obuvunaanyizibwa. Tubadde ffenna ebbanga lya myaka musanvu nga tufuniddemu abaana babiri abakyali abato.

 

Baze mbadde nsazeewo mbeere naye yadde akyusizza mu mpisa ze kuba abadde ampa ekyokulya abaana bange ne babeera bulungi.

 

Ensonga empitiriddeko ya kunkuba buli kiseera ku kintu kye mbeera nneemulugunyizzaako.

 

Ku Kulisimaasi yansiibula ng’agamba nti agenze kugirya ne bazadde be.  Safaayo kyokka yamalayo ennaku eziwera wabula bwe nnamubuuza lwaki aluddeyo ne nduggulira ku ppata! Ku olwo lw’agenda teyatulekera buyambi bwonna wabula bwe nnakutte  ku ssente ngulire abaana ekyokulya, n’anyiiga n’ankuba n’andagira  nzire ewaffe.

 

Okudda ewaffe tekyandibadde kikulu naye abaana bange nnaabakola ntya? Yagambye nti ankooye ne ssente z’entambula yansuubizza kuzinsanza ku poliisi. Kati nfumiitiriza abantu abaatandikira mu mukwano kati ensonga ayagala tuzimalire ku poliisi.

 

More From The Author

Emboozi z’omuwandiisi endala

Emboozi endala

Kuba 220x290

Eyagaba abalongo bange yantamya...

NZE Charles Adwor, mbeera Mukono. Nasisinkana munnange mu 2014 nga nkyabeera e Jinja. Ebiseera ebyo nalina omulimu...

Melon1 220x290

Weyune enkola ya kontulakiti ofunemu...

OKUKOLA kontulakiti n’omuguzi y’emu ku ngeri omulimi n’omulunzi mw’asobola okuyita okufuna akatale k’ebintu bye...

Remagrad2 220x290

Rema alangiridde bw’addayo ku yunivasite...

REMA Namakula alangiridde nga bw’agenda okuddayo ku yunivasite e Kyambogo amalirize diguli ye omwaka guno oluvannyuma...

Kadodi 220x290

Emmotoka esse 8 abazina akadodi...

ABANTU 8 ababadde bazina akadodi bafiiridde mu kabenje n’abalala ne bagenda n’ebisago ttakisi bwe yabasaabadde...

Annotation20200120121207 220x290

Omuko yeetonze ku by’okufa kw’omwana...

“NSABA famire ya mukyala wange Nansubuga ne bannayuganda mwenna munsonyiwe olwa mukoddomi wange John William Bomboka...