TOP

Taata w’abaana awera kunzita

By Musasi wa Bukedde

Added 5th May 2016

Nandyagadde okumuviira ntaase obulamu bwange kyokka ekisinga okunnyiiza, talina ky’ampa kye nnyinza kutandikirako okusobola okwerabirira n’abaana bange.

Nabukenya1 703x422

Nabukenya n'omu ku baana be

KYEWUUNYISA okulaba ng’omuntu eyakukwana mu mirembe ate akwefuulira n’ayagala okukutta. Nze Rachael Nabukenya nga mbeera Mutundwe.

Nsazeewo okutwala baze, Godfrey Akampulira ku poliisi entaase. Kino nkikoze lwakuba baze ayagala kunzita ng’agamba nti nnemedde mu maka ge.

Nafumbirwa Akampulira emyaka etaano egiyise, ne mmuzaalira abaana babiri. We twazaalira twali mu mukwano omuzibu wabula omwaka oguwedde omwami yakyuka.

Buli lwe yakomangawo awaka yatuukiranga mu kuyomba oluusi ng’ayomba n’awatali nsonga. Gye byaggweera ng’andagira mmuviire mu maka ge kubanga ye ankooye!

Baze abadde takyatulabirira bulungi kyokka nga bino nabigumira nga njagala nkuze abaana bange. Wabula eky’okungoba kinkubye wala ate nga mpulira nti baze alinayo omukyala omugole gw’apepeya naye.

Saamanya nti omukwano omungi gwe twalina ne baze gulituuka ne guseebengerera era ne guggweerawo ddala. Okumanya guweddewo, kati buli lw’adda awaka ansuubiza okunzita ssinga simuviira.

Nandyagadde okumuviira ntaase obulamu bwange kyokka ekisinga okunnyiiza, talina ky’ampa kye nnyinza kutandikirako okusobola okwerabirira n’abaana bange.

AKAMPULIRA TUMUNOONYA: Akola ku nsonga z’amaka ku poliisi e Mutundwe, Edith Kimera agamba nti: “Abasajja basusse okulagajjalira obuvunaanyizibwa bwabwe.

Ku poliisi e Mutundwe tufuna emisango egitakka wansi w’etaano buli lunaku nga gikwata ku basajja kusuulawo bakyala n’abaana baabwe.

Abakyala mbawa amagezi, muloopenga ebikolwa byonna eby’okutulugunyizibwa mu mbuga z’amateeka musobole okuyambibwa. Akampulira tumunoonya tumukake okutuukiriza obuvunaanyizibwa bwe. Omusango guli ku fayiro SD: 43/28/04/2016 ku poliisi e Mutundwe.

More From The Author

Emboozi z’omuwandiisi endala

Emboozi endala

Malawo 220x290

Agula emmaali y’omufu mu bukyamu...

WADDE okufa tteeka naye kino tekikugaana kukola nnyo obeereko ebyobugagga by’olekera abantu bo ssinga Katonda abeera...

Ssenga1 220x290

Njagala kutandika bulamu

NNINA siriimu era mmaze naye emyaka egiwera. Baze yafa ne nsigala n’abaana naye kati mpulira nnina okufuna omusajja...

Img20190117wa0028 220x290

Sipiika alagidde Katuntu okuyimiriza...

SIPIIKA wa Palamenti Rebecca Kadaga alagidde akakiiko ka COSASE akakubirizibwa Katuntu akabuuliriza ku mivuyo egyetobeka...

Soma 220x290

Abatuuze katono batte be balumiriza...

ABATUUZE ku kyalo Kiryamuli mu Ggombolola y’e Gombe mu disitulikiti y’e Wakiso bakkakkanye ku basajja babiri abagambibwa...

Panda 220x290

Maneja Kavuma ayagala Abtex amuliyirire...

Olutalo lw’abategesi b’ebivvulu, Musa Kavuma (KT Events) ne Abby Musinguzi amanyiddwa nga Abtex lusituse buto....