TOP
  • Home
  • Ssenga
  • Omusajja eyansiiga siriimu eddagala yalimiranga mu nkukutu

Omusajja eyansiiga siriimu eddagala yalimiranga mu nkukutu

By Musasi wa Bukedde

Added 23rd May 2016

Ono okumuganza tetwekebeza, wabula ye alabika yamanya nga bw’alina akawuka olw’ensonga nti yali ku ddagala era ng’alinywera mu nkukutu.

Nalukwago 703x422

Nalukwago

NZE Specioza Nalukwago, mbeera Banda mu Busiro. Kati myaka esatu bukya ntegeera nga bwe nnina akawuka ka siriimu.

Nnasooka ne nfuna enkyukakyuka ez’amaanyi mu bulamu bwange. Omusujja ogwa buli kadde, embiro, amaanyi okunzigwamu n’embeera endala zanzingako.

Bino byonna byantuukako nga simanyi nti nnyinza okuba n’akawuka ka siriimu. Eyansiiga obulwadde yali musajja gwe nnaganza oluvannyuma lwa baze gwe nnali mmaze naye emyaka egisukka mu 20 okunfaako.

Ono okumuganza tetwekebeza, wabula ye alabika yamanya nga bw’alina akawuka olw’ensonga nti yali ku ddagala era ng’alinywera mu nkukutu.

Embeera eno ey’obulwadde bwe yanzingako abamu ku bantu abaali bamanyi ku mbeera ye ey’obulwadde baamutuukirira ne bamusaba antwale mu ddwaaliro banzigyeko omusaayi. Yakkiriza era bansanga n’akawuka.

Abasawo banteeka ku ddagala lya septrine n’oluvannyuma ARVS. Munnange ono ekiseera kyatuuka n’afa Wabula okuva lwe nnatandika eddagala obulamu bwakomawo. Eddagala linkoledde kubanga mu kiseera kino sikyalina wannuma.

Nsobola okukola emirimu gyange egy’okulima, okulabirira bazzukulu bange n’okukola emirimu emirala.

Ebirala ebinnyambye okubaawo kwe kweriisa obulungi, okwesonyiwa ensonga z’abasajja, okuva ku bitamiiza naddala omwenge n’obuteekubagiza. Alina amagezi g’ampa ku nsonga y’obulwadde ndi ku ssimu: 0787592606

More From The Author

Emboozi z’omuwandiisi endala

Emboozi endala

Pi3 220x290

Apass ajereze Kenzo ne Fik Fameica....

Apass ne Eddy Kenzo bawakana ani asinga okwesala emisono wabaluseewo olutalo lw'ebigambo

Sev2 220x290

Pulezidenti asisinkanye abagagga...

Pulezidenti asisinkanye abagagga abalwanira ebizimbe mu Kampala

Muh1 220x290

Abasuubuzi basattira olw’obukwakkulizo...

Abasuubuzi basattira olw’obukwakkulizo Muhangi bw’abataddeko

Hop2 220x290

Abayizi boogedde eyabookezza

Abayizi boogedde eyabookezza

Bah3 220x290

Don Bahat akomyewo ku maapu.

Don Bahat awangudde engule mu mpaka za baseerebu e South Africa ne yewaana “abangoba bakongojja…”