TOP
  • Home
  • Ssenga
  • Abakazi kwe bapimira bbeeyi y’abasajja

Abakazi kwe bapimira bbeeyi y’abasajja

By Musasi wa Bukedde

Added 1st June 2016

ABAKAZI balina ebipimo eby'enjawulo bye bakozesa okumanya ekiti abasajja ababakwana kye bagwamu.

Folo 703x422

ABAKAZI balina ebipimo eby'enjawulo bye bakozesa okumanya ekiti abasajja ababakwana kye bagwamu.

Ekiseera ekitono kye bamala mu mbeera eno asobola okumanya oba omusajja alinawo ku nsimbi oba 'mpalenyweramuguwa'. Wammanga bye bimu ku biraga embeera y'omusajja.

Ebifo gy'aliira ssente

Waliwo ebifo ebimanyiddwa eby'ebbeeyi ng'omuntu okukibeeramu ateekwa okuba nga 'waleti' ye nzito.

Ebyokulya n’omwenge gwamu guba gwa bbeeyi. Mu mbeera eno omukazi bw'agwa ku musajja ow'ekika kino amanyirawo nti 'bbeeyinnene'.

Emirundi omusajja gy'acakala

Waliwo abasajja nga mu bifo ebisanyukirwamu bayitayo nga bateebye ku nsimbi oba ng'omwezi guweddeko nga bafunye omusaala olwo ne babula okutuusa omwezi omulala.

Naye waliwo abamu abatagwa kulya ssente nga ne mu nnaku z'okukola tebabulayo. Ow'ekika kino omukazi bw'amugwako amanya nti azitowa era tamuta.

Omusajja alamuza omwenge

Omusajja atuuka mu bbaala n'atandika okulamuza omwenge abakazi bamulabamu ebituli.

Omusajja ow'ebbeeyi asunda busunzi mwenge nga tafuddeeyo ku bbeeyi yaagwo ne bamuwa bbiiru oluvannyuma n'asasula ne yeggyawo.

Engeri gy'asundamu omwenge n'ebyokulya

Omusajja ensimbi gwe ziyitaba asunda omwenge n'ebyokulya ebirala ng'omuwendule.

Naye oyo atawera omwenge apima mupime. Ab'ekika kino tebalwa na mu bifo na bakazi olw'okutya okusasaanya ennyo.

Abasisinkana abakazi mu bifo bye batatundamu byakunywa

Waliwo abasajja abakola enteekateeka z'okusisinkana abakazi be bakwana mu bifo ebitaliimu kitundibwa kyonna nga mu bisaawe by'omupiira.

Ekigendererwa mu kino bwe butasaasaanya ssente ku mukazi. Omusajja ow'ekika kino abakazi bamulaba nga atalina ssente.

Ssente z'amusiibuza

Ssente omusajja z'asiibuza omukazi muganzi we zinsiira ku ngeri gy'abaliriramu.

Abasajja abamu bw'aba asiibula omukazi mu ngeri eno amuwa 10,000/-. Omukazi okukkiriza nti omusajja alina ku nsimbi ayagala ssente ezimusiibula zibe za sipensulo si boodabooda ezitasukka 5,000/-.

More From The Author

Emboozi z’omuwandiisi endala

Emboozi endala

Katikkiromayigangaalinaboogezibokumikoloabeetabyekumukologwoluwalokubulanekulwokubiri002webusenu 220x290

Katikkiro Mayiga abakubirizza okunnyikiza...

Katikkiro wa Buganda, Charles Peter Mayiga akubirizza Ab'e Buluuli ne Ssese okunnyikiza obulimi kubanga teri mulimu...

Manya 220x290

Abakazi abasinga tebamalaamu kagoba...

Abakazi emirundi 6 ku 10 gye beegatta mu kaboozi tebatuuka ku ntikko. Wabula babuulire kwekoza nga abamazeemu akagoba....

Saalwa703422 220x290

Teddy ayanukudde Bugingo ku bya...

TEDDY Naluswa Bugingo ayanukudde bba Paasita Aloysius Bugingo ku kya ffiizi z’abaana ne ssente.

Florencekiberunabalongowebuse 220x290

Alina olubuto lw'abalongo ne by'olina...

Abasawo balaze abalina olubuto olulimu omwana asukka mu omu bye balina okukola obutabafiirwa nga tebannazaalibwa...

Research1 220x290

Ebizibu ebibeera mu kutambuliza...

ABATANDIKA omukwano ekimu ku birina okwewalibwa ku kugutambuliza mu kweteeka mu butaala ate nga si bwoli.