TOP
  • Home
  • Ssenga
  • Ku myaka 19 gye nnina eby’abasajja binkeese

Ku myaka 19 gye nnina eby’abasajja binkeese

By Musasi wa Bukedde

Added 13th June 2016

Nze Ruth Nabaasa, nga nzaalibwa Kamwenge. Nafuna omusajja ne tutandika okubeera ffembi. Mu biseera ebyo nali sisoma nga bazadde bange tebalina busobozi.

Malaba 703x422

Nze Ruth Nabaasa, nga nzaalibwa Kamwenge. Nafuna omusajja ne tutandika okubeera ffembi. Mu biseera ebyo nali sisoma nga bazadde bange tebalina busobozi.

Nakoma mu P7. Maama yanzikiriza okugenda mu maaso n’obufumbo kuba ono omuvubuka yali amumanyi. Nnina emyaka 19 naye nawalirizibwa okufumbirwa nga nnina emyaka 17 olw’embeera embi gye nalimu. Twava mu kyalo n’omulenzi wange tusobole okupakasa mu kibuga.

Baze yafuna omulimu naye nga gwa safaali mu bizinga e Kalangala. Nalaba ennaku kuba yandekawo okumala emyezi ebiri naye nga tansindikira buyambi.

Oluvannyuma lw’omwezi gumu yakomawoko naye teyambuulira nsonga yamugaana kunsindikira buyambi. Nafunanga abantu abandekera abaana baabwe ne nfuna ekyokulya.

Bano bansasulanga 2,000/- olunaku. Wano mukwano gwange we yanfunira omulimu gw’okusiika cipusi ku kkubo e Bwaise.

Baze bwe yakomawo yahhamba nti omulimu gwa cipusi tagwagala. Yalaba nnemeddeko, kwe kuntwala ewaabwe e Mityana okuyambako bazadde be ku mirimu gy’awaka n’okulima okumala ebbanga naye ssente zonna ezaavangamu, nga bazadde be be bazikozesa.

Byansobera ne nkomawo e Kampala tubeere ffembi, kyokka era yahhaana okukola nti asobola okundabirira. Lumu namusaba asindikire mmange ssente mu kyalo kuba yali mulwadde. Yanziramu nti, ‘nnyoko mmusindikira ssente ankoledde ki?” Kino kyannyiga naye nga sirina kyakukola.

Mbadde mu bufumbo naye nga ndi musiiwuufu nnyo. Namusaba ssente hhende mu saaluni nnongoose enviiri, yakimmalako bwe yankwanga 2,000/-!

Nagenda ewa mukwano gwange asiba enviiri n’annyamba n’ansiba wiivu kyokka omusajja olwakomawo yandagira mbisaleko! Kati nsiiba njala. Mmwegayiridde ampe ssente 50,000/- nzireyo ewaffe agaanyi.

Andaga nti yankoowa era ankuba emiggo buli lunaku, mpulira bintamye era nsobeddwa!

More From The Author

Emboozi z’omuwandiisi endala

Emboozi endala

Nwagi 220x290

Amazina n’ennyambala bizaalidde...

Amazina n’ennyambala Winnie Nwagi bye yayolesezza mu ndongo y'abayizi bimuzaalidde akabasa. Yeetondedde abazadde...

Kaputeeniwacranesonyangongaatonerakatikkiroomujoozigweyazannyiddemumuafcon1webuse 220x290

Abalina ebitone mukozese omukisa...

Abazannyi abalina kye mwekoledde muyambe ne bannammwe okwekulaakulanya nga bwe muteeka Uganda ku maapu

Naabagerekangaasomesaabaanamukisakaatewebuse 220x290

Abazade baakusomesebwa engeri y'okuyamba...

Okutendeka omwana mu Kisaakaate ate n'adda eka ng'abazadde tebamanyi ngeri ya kubalambikamu kubeera nga kwoza n'oyanika...

Yawenemunnengabakongolaenkoko1webuse 220x290

Mu kusala enkoko mwe ntandise bizinensi...

Emirimu gye nayitanga egy'abacaafu n'abataasoma mwe nfunye ssente ezinnyambye okutandika bizinensi endala n'okwetuusaako...

Annotation20190722173519 220x290

Banjoman muto wa Bobi Wine alina...

Banjoman muto wa Bobi Wine alina ke yeekoleddewo