TOP
  • Home
  • Ssenga
  • Eyansaba okugendako mu kyalo ambuzeeko

Eyansaba okugendako mu kyalo ambuzeeko

By Musasi wa Bukedde

Added 3rd September 2016

ENNAKU zino kizibu okutegeera abasajja kye baagala kuba bw’aba tannafuna ky’ayagala yeegonza n’okukusuubiza eggulu n’ensi.

Kyusa 703x422

ENNAKU zino kizibu okutegeera abasajja kye baagala kuba bw’aba tannafuna ky’ayagala yeegonza n’okukusuubiza eggulu n’ensi.

Kyokka bw’amala okukifuna ng’atandika okubuukabuuka. Nze Jackline Ansasire 36 nga mbeera Kazo mu Central Zooni era gye nali mbeera n’omusajja ono nga twava naye e Bushenyi.

Twayagalanira mu kyalo ne tuzaala n’omwana waffe eyasooka. Waliwo munne eyamufunira omulimu e Kampala kwe kuηηamba tujje ffembi.

Bwe twatuuka e Kampala , twapangisa ennyumba e Kazo. Mu biseera ebyo twali mu mukwano ogweyagaza ng’omwami wange buli kimu akireeta ate mu budde nga tatujuza nga nze nkola gwa kuzaala kuba yali amaze okundaga nti asobola okulabirira abaana be.

Nazaala era ηηenda okusibamu nga ndi mu baana bana. Baze eyali akomawo ng’obudde bukyali yatandika okudda amatumbibudde n’obutaddira ddala.

Lumu nasiba omutima ne mmugambako naye yamboggolera era saddamu kumugambako.

Lumu yajja n’antegeeza nga bwe baali bamugobye ku mulimu era tamanyi kiddako. Wano embeera we yatandikira okwonooneka ne batuuka n’okutugoba mu nnyumba ne tudda mu kabanda ka muliraanwa mwe yali atundira ebikajjo.

Embeera bwe yeeyongera okubeera embi, yansaba agende mu kyalo atandike okulima asobole okufuna ssente ezitulabirira era n’agenda.

Kati myaka ebiri bukya agenda simanyi bimufaako kubanga n’essimu gye yagenda nayo yavaako.

Nagendako mu kyalo okumunoonya nga taliiyo nga ne bazadde be tebamanyi gye yalaga. Kati ndi wano simanyi kiddako kubanga sirina kye ndiisa baana be yandekera nga n’omukulu yatuuka dda okutandika okusoma naye sirina ssente.

Nagezaako okusaba bazadde be ssente kyokka bawoza kimu nti tebalina ssente nti nnoonye baze eyabanzaalamu. Wano we nsabira abasomi ba Bukedde banyambe bampe ku magezi kubanga ensi enfundiridde.

More From The Author

Emboozi z’omuwandiisi endala

Emboozi endala

Unity 220x290

Bakutte agambibwa okukuba Imaam...

POLIISI ekutte omusajja agambibwa okukuba Imaam w’e Iwemba, Bugiri Sheikh Masuudi Mutumba amasasi agaamusse n’atwala...

59148f0c79e3455bb2de95a2f1b5a89d 220x290

Ogwa Bajjo okunyiiza Museveni gugobeddwa...

Omulamuzi wa kkooti ya Buganda Road Stella Amabirisi agobye omusango ogubadde guvunaanwa omutegesi w'ebivvulu Andrew...

Top33 220x290

Aba FMU batongozza ez'oku ssande...

Aba FMU batongozza ez'oku ssande

Babe 220x290

Eyannimba okuba omuserikale anneefuulidde....

Nsobeddwa oluvannyuma lw’omusajja eyannimba nti muserikale wa tulafiki ku poliisi y’e Kanyanya okunfunyisa olubuto...

Funa 220x290

Mayinja ayogedde ku by'okufuna...

Mayinja bwe yatuukiriddwa yasoose kusambajja bimwogerwako nti yafuna ssente okulwanyisa People Power era n’ategeeza...