TOP
  • Home
  • Ssenga
  • Gwe naleeta okummalako ekiwuubaalo annumye olugalo

Gwe naleeta okummalako ekiwuubaalo annumye olugalo

By Musasi wa Bukedde

Added 22nd October 2016

NZE Ruth Tukamushabe 32. Mbeera Busega. Nafumbirwako ne nzaala abaana babiri wabula ne nnemwa okukwatagana n’omusajja ne mmuviira nga nkooye enneeyisa ye.

Twala 703x422

NZE Ruth Tukamushabe 32. Mbeera Busega. Nafumbirwako ne nzaala abaana babiri wabula ne nnemwa okukwatagana n’omusajja ne mmuviira nga nkooye enneeyisa ye.

Okumwesonyiwa obulungi nasalawo ne nsengukira ddala ne nva mu kyalo ne nzija e Kampala nga saagala annoonye era abaana nabamulekera kubanga baali bakuze ne mmanya nti bwe ndeka abaana ajja kuba talina nsonga yaakunnoonya.

Olwobulumi bwe nalina ku mutima ebya laavu nasalawo ne nsooka mbyesonyiwa.

Nakola ne ntereka ssente zange era bwe zaawera kwe kwekolera ebbaala era n’ekwatayo ng’enjogera y’ennaku zino.

Namala emyaka etaano nga ndi bw’omu wabula nga bw’omanyi obutonde ne butandika okummanja.

Nasalawo nti sigenda kufuna musajja antwala mu maka ge kwe kusalawo okwefunirayo omulenzi ambeesebeese.

Nali nneekoledde nga nfunyeewo ku ssente zange kubanga nakiraba nti okubeera n’omusajja nga yakukolerera akujooga nnyo. Nali simanyi nti ne bw’oba okoze ssente zo ez’ekikazi omusajja asobola okukujooga.

Omulenzi gwe naleeta mu maka okumbeesabeesa yanfuukira ekizibu! Yankubira emiggo mu maka gange nga kw’agasse n’okutwala ssente zange ku kifuba ne mpulira ennaku nga ndaba bye nadduka bye nzizeemu.

Namulagira asibemu ebibye anviire wabula yantegeeza nti sigeza ne mmugoba era n’alayira nti okuva mu maka gange n’obulamu nnondeko kimu. Natya nnyo ne ηηenda ku poliisi wabula saafuna kuyambibwa kumala kubanga bwe baamusiba yamalayo ennaku bbiri n’akomawo awaka.

Bwe yakomawo yatandikira mu ggiya n’ankuba bubi nnyo n’atuuka n’okunnuma olugalo era yabulako katono okuluggyako.

Ndayira obutaddamu kwesembereza basajja kubanga kirabika bonna abazaala y’omu. Nsaba poliisi ennyambe omulenzi ono ave mu maka gange.

More From The Author

Emboozi z’omuwandiisi endala

Emboozi endala

A1 220x290

Ekyabadde mu ntujjo ya ‘Floral...

Ekyabadde mu ntujjo ya ‘Floral & Cocktail Party’ e Munyonyo ebyana gye byalagidde emisono n’emibiri nga bwe balya...

Afrigo 220x290

Lutalo ekintu akyekwatiddemu

OMUYIMBI w’ennyimba za laavu, David Lutalo (ku ddyo) kirabika akooye bapulomoota okumulyako ssente.

Tege 220x290

Kyokka mwana ggwe Lydia Jazmine!...

MWANAMUWALA Lydia Jazmine abamu gwe bayita muninkini wa gundi yamalayo. Akola bimusanyusa nga tafuddeyo ku bantu...

Kuba 220x290

Eyagaba abalongo bange yantamya...

NZE Charles Adwor, mbeera Mukono. Nasisinkana munnange mu 2014 nga nkyabeera e Jinja. Ebiseera ebyo nalina omulimu...

Melon1 220x290

Weyune enkola ya kontulakiti ofunemu...

OKUKOLA kontulakiti n’omuguzi y’emu ku ngeri omulimi n’omulunzi mw’asobola okuyita okufuna akatale k’ebintu bye...