TOP
  • Home
  • Ssenga
  • Obukodyo abafumbo bwe balina okwekwata okunyumirwa 2017

Obukodyo abafumbo bwe balina okwekwata okunyumirwa 2017

By Musasi wa Bukedde

Added 3rd January 2017

Obukodyo abafumbo bwe balina okwekwata okunyumirwa 2017

Re1 703x422

ABAFUMBO mwenna gye muli mbayozaayoza okutuuka mu kiseera kino nga mukyakuumye endagaano.

Ate mmwe bawala bange musaanamu engalo ez‛omuyiika kuba muyita mu kusoomoozebwa kungi mu maka gammwe. Mu kiseera kino nga 2016 atuwuubira akatambaala era nga tutandise okulengera 2017, ng‛abafumbo kye kiseera okulowooza ku ngeri gye tugenda okutwala obufumbo bwaffe ku ddaala eddala.

Guno gwe mukisa gwe mulina okulowooza ku ngeri gye mugenda okumenya likodi mu laavu. Mulowooze ku bisoko bye mugenda okussa mu laavu ebawoomere okukira omubisi gw‛enjuki mu mwaka omupya.

Ebiseera ebisinga ekimala essanyu mu bufumbo be Obukodyo abafumbo bwe balina okwekwata okunyumirwa 2017 bafumbo obuteenyumiriza mu bannaabwe n‛okubalaba ng‛abantu abatabakwatako nnyo mu bulamu bwabwe.

Mu nkola ntuufu ggwe omufumbo kkiriza nti oyo gw‛olina ye wuwo era teriiyo mulala amusinga. Mu mbeera eno ebisigadde bijja kutambulira ku museetwe.

Ensobi abazitoowererwa obufumbo gye bakola kwe kweteekamu endowooza nga bwe baatomera ne batuuka n‛okwekubagiza.

Buli lw‛olemwa okwenyumiriza mu munno toyinza kunyumirwa bufumbo. Ate bw‛omala okukkiriza nti oyo gw‛olina kye kirabo ekyava eri Katonda mwanawattu ojja kunyumirwa obufumbo mwaka ku mwaka.

Mu mbeera eno ggwe alina munno akusula ku lusegere weesuneko. Ekyo ng‛okimaze muwanike mu bire ng‛omuwaana, omusuuta, n‛okubabikka laavu mu ngeri ey‛enjawulo olwo be kiruma beetugire ku munyaanya.

Abantu nga bw‛obamanyi bajja kusooka boogere kyokka bwe banaalaba ng‛omukwano gwammwe gugenda mu maaso nga bugolo bajja kubeesonyiwa.

Mwemanyiize okutambuliranga awamu, okutuula awamu ku mikolo egy‛enjawulo n‛okweyita amannya agooleka omukwano.

Buli lwe weefuula ow‛ekitiibwa n‛osalawo okweyisa ng‛omukungu mu bulamu omuli n‛obw‛ekisenge omukwano gujja kigwa olubege. Kye mulina okumanya kiri nti ng‛oyagala okunyumirwa omukwano munno mulabire mu kifaananyi kya mukwano gwo asinga bonna.

Mukwano gwo toyinza, butamuddaabiriza, butamubudaabuda, butamusonyiwa n‛embeera endala nnyingi.

Mmwe abaana ab‛obuwala nga muli eyo mu nsitaano zammwe ez‛ababiri mulage bannammwe nti we batali obulamu tebuyinza kugenda mu maaso.

Omuzannyo muguwereekereze akaluulu ak‛oluleekereeke wamma omukwano gunyume. Eno y‛engeri gye mujja okumenyamu likodi ya laavu mu 2017 n‛okweyongerayo. Akuume.

More From The Author

Emboozi z’omuwandiisi endala

Emboozi endala

Mm 220x290

Kkampuni zisaze omusolo ku ‘Mobilemoney...

KKAMPUNI z’amasimu zitandise okussa mu nkola etteeka ly’okukendeeza gwa ‘mobile money’ (Airtel money, Africel Money...

Monicangalagaobutungulubwatunda500webuse 220x290

Ekigwo ekimu tekyandobera kuddamu...

Omulimu gw'okufumba bwe gwanzigwako tekyandobera kutandika kulimira wafunda era kati nasituka dda sirina agoba....

Skull 220x290

Bamukutte n’akawanga

OMUSAJJA eyasangiddwa n’akawanga k’omufu gamumyuse. Abatuuze baamulinye akagere ne bamukwata n’ekisawo mwe yabadde...

Muhangi3 220x290

Muhangi akkirizza okusisinkana...

OMUGAGGA Charles Muhangi awadde abasuubuzi abakolera ku bizimbe bya Qualicel(Horizoni city) ne Nabukeera (Bazannya...

Zaina2webuse 220x290

Obwakondakita bwamponya ennaku...

Okukola obwakondakita nga ndi mukazi kinnyambye okulabirira abaana bange ate n'okuyiga bwe bakolagana n'abantu...