TOP
  • Home
  • Ssenga
  • Omusajja yanjooga ne mmwesonyiwa kyokka akyannondoola

Omusajja yanjooga ne mmwesonyiwa kyokka akyannondoola

By Musasi wa Bukedde

Added 5th August 2017

Olugendo lwange olw’omukwano terubadde lwangu, era abasajja ngezezzaako ab’enjawulo naye nga tulemagana.

Kisitu1 703x422

Nakisitu

NZE Mariam Nakisitu 39, nga ndi musibi wa nviiri, mbeera Mulago.
Olugendo lwange olw’omukwano terubadde lwangu, era abasajja ngezezzaako ab’enjawulo naye nga tulemagana.
 
Obufumbo bwe ndimu nagenda okubuyingira nga nninayo abaana bange be nnasooka okuzaala, era omusajja gwe nafuna eby’okuzaala
yali yabivaako.
 
Okumpangula yasiitaana kuba eby’abasajja nnali nsazeewo mbyesonyiwe nkuze abaana bange.
 
Wabula oluvannyuma twayagalana, okukkakkana nga tufunye n’abaana babiri.
 
Obufumbo bwange bubadde butambula bulungi.
 
Munnange akola gwa busuubuzi era abadde ampa buli kyetaagisa
nga sijula.
 
Wabula olw’okuba munnange nnali mweyabiza ku nsonga z’obulamu bwange bwonna omuli n’abasajja be nasooka okuganza, yatuuka
ekiseera n’akikozesa ng’akakodyo n’atandika okunjolonga.
 
Yatuuka n’okugamba nga bwe sisaanidde kumwanjula waffe
kubanga nkaddiye ekyayongera okunnennyisa omutima.
 
Ebbanga lyeyongera nga tuli mu kusika omuguwa, omusajja
n’atuuka okwawulamu ebintu n’agenda mu kazigo n’atandika okukyusanga abawala nga bw’ayagala.
 
Bino nabitegeera naye saamunyega nga neewala okukomya okutuwa
obuyambi.
 
Wabula oluvannyuma lw’ekiseera nagenda okulaba ng’akomyewo, ne mmwaniriza, era naye n’anneetondera olw’engeri gye yali ampisizzaamu.
 
Bino olwaggwa n’addamu okunvuma n’okunjolonga, kwe kusalawo okumwesonyiwa. Lumu nnali ku mulimu ne nfuna essimu nga mukwano gwange antegeeza nga bw’alabye baze n’omuwala nga beesogga akazigo ke yali apangisizza.
 
Nabawondera era ne mbasanga nga bali mu mukwano, kwe kumutegeeza ng’omukwano gwaffe bwe guweddewo, buli omu akole
bibye.
 
Ekizibu nti n’okutuusa kati omusajja akyannondoola ng’ayagala tuddihhane.
 
Nsaba abasomi ba Bukedde mumpe ku magezi nkole ntya okwetakkuluza ku musajja kubanga nsobeddwa
ekyokukola.

More From The Author

Emboozi z’omuwandiisi endala

Emboozi endala

Zan13 220x290

Agambibwa okufera abantu emirimu...

Agambibwa okufera abantu emirimu akwatiddwa

Mutu 220x290

Muwala wa munnamagye Kyaligonza...

PAULINE Ntegeka abadde abeera mu Bungereza, ku Lwokutaana yabadde agenda mu kinaabiro n’aseerera n’agwa n’akubawo...

Netherlands1 220x290

Budaaki ewadde Uganda obuwumbi...

EGGWANGA lya Budaaki likubye Uganda enkata ya buwumbi bwa ssente bubiri, ziyambe mu kutumbuka eby’obulambuzi mu...

Mus12 220x290

Aba NRM bawonye okupangisa

Aba NRM bawonye okupangisa

Masasi1 220x290

Bakutte omujaasi ku kutta aba Mobile...

BULIJJO abantu bamulaba n’ekidomola ky’amazzi ekya kyenvu, nga balowooza nti aguliramu mmere ya bisolo.