TOP
  • Home
  • Ssenga
  • ‘Omusajja yandekawo embaga n’agikuba mulala’

‘Omusajja yandekawo embaga n’agikuba mulala’

By Musasi wa Bukedde

Added 10th August 2017

Okusinziira ku ngeri omusajja gye yali andagamu omukwano n’okweyisaamu byanziba amaaso ne kindowoozesa nti nfunye omuntu omutuufu agenda okuwummuza obulamu bwange bwonna.

Dorothy1 703x422

Nantongo

OMUSAJJA eyali ambiita yantama lwa kummalira biseera bwe yansuulawo n’akuba omukazi omulala embaga makeke. Nze Dorothy Nantongo, mbeera Mpereerwe ku lw’e Gazaya.

Okulabagana n’omusajja twasisinkana mu kifo ekimu ekisanyukirwamu e Kajjansi ne tusiimagana.

Yali akola mu kibanda ekimu ekivungisa ssente mu Kampala ate nze nga mbeera waffe.

Ebiseera ebisinga nagendanga ewuwe ne mukyalira e Kajjansi gye yali abeera n’andaga omukwano wamu n’okumubeesabeesa oluvannyuma ne nzirayo ewaffe e Mpereerwe.

Omusajja yansuubiza ebintu bingi omuli; okugenda ewaffe, okunkuba embaga, okunkolera bizinensi n’ebirala.

Okusinziira ku ngeri omusajja gye yali andagamu omukwano n’okweyisaamu byanziba amaaso ne kindowoozesa nti nfunye omuntu omutuufu agenda okuwummuza obulamu bwange bwonna.

Kino kyampaliriza okumuwa omutima gwange gwonna kuba ye musajja gwe nnali ntunuulidde yekka okubeera naye mu biseera byange eby’omu maaso.

Wabula kyambuukako omusajja bwe yatandika okukyusa mu mbeera ze nga bwe mukubira essimu takyayagala kugikwata ate olumu ng’agifuula bbize.

Ebiseera ebimu nagendanga ewuwe okumulaba naye ng’ankomya ku mulyango takyayagala nnyingire ennyumba ye nga n’olumu ansibira bweru.

Okusinziira ku mbeera gye nalimu mu kaseera ako kyandowoozesa ebintu bingi omuli n’okubeera nti alina omukazi omulala gw’ayagala ne ntandika okumwekengera buli kadde nga ndaba buli ky’akola agenderera kuneggyako.

Waayita mbale, omusajja nakuba omukazi omulala embaga makeke ng’ebifaananyi bye yeekubisa ne bindeeterwa mikwano gyange bye byankakasa buli kimu ekyali kigenda mu maaso.

Eky’okukolera omusajja kyambula kuba nayisibwa bubi kuba kwe nnali nsibidde olukoba era nga mmanyi nti agenda kumpasa.

Ekyasinga okunnuma kwe kuba nti yammalira ebiseera byange bingi kumpi emyaka ena miramba ng’anzannyira ku bwongo n’andaga obuyaaye.

More From The Author

Emboozi z’omuwandiisi endala

Emboozi endala

Kwata3 220x290

Olukung'aana lwa 'Togikwatako'...

Olukung'aana lwa 'Togikwatako' e Kasubi luggweeredde mu mayinja na masasi

Batle 220x290

Morocco y'egenda okutegeka eza...

AKAKIIKO k’ebigwa bitaraze mu CAF ekibiina ekiddukanya omupiira ku lukalu lwa Africa nga kakubirizibwa ssentebe...

Nuwagaba 220x290

Omuwanika wa Olympics Committee...

Munnabyamizannyo abadde omuwanika mu bitongole by’emizannyo n’amasomero, Godfrey Nuwagaba afudde kibwatukira amakya...

Huda1 220x290

Ggoolokipa bamutomedde ku kisaawe...

GGOOLOKIPA wa Persela, Choirul Huda afiridde ku myaka 38 oluvannyuma lw’okutomeragana ne bazannyi banne ng’ataasa...

Manya 220x290

Ying. alumirizza abajaasi okumusaba...

YINGINIYA mu minisitule y'ebyokwerinda alumirizza abakulira ettendekero ly'amagye okumusaba enguzi asobole okuweebwa...