TOP
  • Home
  • Ssenga
  • Owewange yaganza muto wange n’amuzaalira abalongo

Owewange yaganza muto wange n’amuzaalira abalongo

By Musasi wa Bukedde

Added 11th August 2017

Obuzibu bwatandika mpola mpola okuva bwe nafuna omulimu gw’obwa ddereeva mu kkampuni emu etambuza Abangereza abajja mu Uganda okulambula ne ntandika okumala wiiki nga siri waka.

James1 703x422

Kato

NZE James Kato, nnina emyaka 33 mbeeera Munyonyo. Twayagalana ne mukyala wange nga yazaalako omwana omu ne tukola amaka gaffe agasangibwa e Kawempe.

Mukyala wange yali akola mu wooteeri nga bizinensi ye etambula bulungi.

Entandikwa y’obufumbo bwaffe yali nnungi kubanga mukyala wange yaηηamba amazima nti yali yazaalako omwana omu ne mmwagala n’omwana waffe era ng’omukwano gwe twalina gwali mungi kubanga nze nnali namutuuma lya sswiiti.

Obuzibu bwatandika mpola mpola okuva bwe nafuna omulimu gw’obwa ddereeva mu kkampuni emu etambuza Abangereza abajja mu Uganda okulambula ne ntandika okumala wiiki nga siri waka.

Mukyala wange yali yammanyiiza okumbeera okumpi buli kadde kyokka bwe nagendanga mu safaali ng’emirimu ginkwata oluusi nga bw’ankubira essimu sikwata kubanga mbeera nvuga naye buli lwe nafunanga akadde nga mukubira ne twogera.

Munannge yatandika mpola okukyuka nga bwe nkomawo awaka ku Ssande ne mukwatako ng’agaana ekintu ekyannuma naye nga nsirika kubanga kino yakikolera emyezi esatu.

Lumu yankubira essimu n’aηηamba nti yali ansubwa era anneesunga. Olw’okuba nnali mwagala nnyo nakomawo awaka era ne twesanyusa.

Waayita wiiki bbiri n’aηηamba nti ali lubuto ekintu ekyansanyusa era ne ntandikirawo okukola ‘sooping’ y’omwana.

Munnange bwe yatuusa okuzaala, yakubawo balongo wabula nga tebalina kye banfaananako, wabula nga balina engeri gye bafaananamu muto wange.

Eηηambo zaatandika okuyiti- ηηana nti abaana bandiba aba muto wange ekyampaliriza okubatwala ku ndaga butonde, era ebyavaamu byayongera okukakasa nti abaana si bange.

Omukazi namugobye era ne nnyiigira ne muto wange wabula sinnamwatulira. Nasazeewo n’okukyusa essimu okulaba nga siddamu kubawuliza.

Ekisinga okunnuma kwe kuba nti omukazi namuteekamu ssente zange nnyingi naye saamufunyeemu mwana n’omu ate nga mbadde ndabirira owuwe n’ekirala mu basajja bonna lwaki yasazeewo kuganza muto wange?

More From The Author

Emboozi z’omuwandiisi endala

No Matching Document

Emboozi endala

Gala 220x290

Aba Man City tebajulira Bravo

CLAUDI Bravo ayolekedde okuvundira ku katebe mu Man City oluvannyuma lw’Omubrazil Ederson, eyaakagulwa mu Benfica...

Gobwa1 220x290

Owa Leicester City akwatiddwa ku...

Leicester, eyawangula Premier mu sizoni ya 2015-16 efuumudde omutendesi Craig Shakespeare olw’okulemwa okulinnyisa...

Waga 220x290

Liverpool etimpudde Maribor ggoolo...

OMUTENDESI wa Liverpool, Jurgen Klopp atenderezza abazannyi be obuteesaasira nga bawuttula Maribor eya Slovenia...

Banga 220x290

'Real Madrid egule Harry Kane'...

EYALIKO Pulezidenti wa Real Madrid, Ramon Calderon awadde abakungu ba ttiimu eno amagezi, okugula Harry Kane okumuggya...

Pala 220x290

Engeri gy’osaggula omukwano mu...

ABASAJJA bangi mulemwa okusaggula obuwoomi bw‛akaboozi ate ne mwekwasa ng‛abakazi bwe batabacamudde, so ng‛ensobi...