TOP

Omukyala agabye omwana wange

By Musasi wa Bukedde

Added 23rd August 2017

NZE Borris Kigozi Nakeera nga mbeera Kamwokya. Omulimu gwange gwa bidongo ng’era ebiseera byange ebisinga mbimalira mu safaali.

Pamba 703x422

Nnina omuwala omu gwe naganza naye atuuse okuntamya ebya laavu.

Emyaka ebiri egiyise, omuntu wange ono yafuna olubuto era n’azaala era nga mulabirira bulungi.

Lumu nagenda n’omwana ono mu bazadde bange era mu kumwetegereza, baagamba nti omwana wange tewali kubuusabuusa kuba yali yanfaanana mu buli kimu.

Mbadde siwulirangako lugambo lwonna nti mukyala wange ono akukuta naye omwaka guno, ebigambo yabimmazeeko.

Yasooka kuntegeeza nga bwe yali ayagala okutwalako omwana ewa muganda we omuto ow’e Kyebando amulabeko nange ne nzikiriza.

Oluvannyuma nantandika okulaba embeera etaali ntuufu awaka nga n’olulala yasulangayo n’antegeeza nga bw’atagenda kukomawo naye nga sikirinaamu buzibu.

Mu mwezi oguwedde twafuna obutakkaanya ng’era obuzibu buva ku kubeera nti ewa muganda we waali watandise okumusingira amaka ge.

Oluvannyuma lw’okuyomba, wano omukyala we yatandikira okwogera ebitakwatagana era n’aηηamba ng’omwana bwatali wange nti era alina kitaawe era gy’abaddenga amutwala ng’annimba nti amutwala wa muganda we.

Oluvannyuma lw’okuηηamba ebyo, nasazeewo okuddayo mu safaali zange era bwatyo olwalabye nga siriiwo n’akwatamu ebibye n’agenda gye saategedde.

Joel Bagatya omuwabuzi ku nsonga z’abantu ng’akolera ne New Chapter Clinic e Katwe agamba nti Kigozi asooka olinde okwevuma abakyala kubanga bonna tebafaanana mpisa naye ekikulu kwetegereza oyo gw’osiimye nga tonamuzaalamu mwana.

Amusabye obutasooka kusalawo mu busungu wabula agende ku DNA akebeze omwana amanye ekituufu.

More From The Author

Emboozi z’omuwandiisi endala

Emboozi endala

Kabuzi1 220x290

Uganda ekubye Malawi 2-0 n'ewaga...

MU Mupiira, waliwo enjogera egamba nti tewali buwanguzi bubi, wabula waliwo bw’otuuka ekiseera ng’olina okutunuulira...

Gendako 220x290

Engeri okwanjula kwa Hamza gye...

Ebika bibiri eky’Endiga n’Ekyolugave Rema mw’azaalwa byali tebimanyiganye era nga tebasisinkanangako.

Bwama 220x290

Rema annyonnyodde by'ayiseemu ng'anoonya...

Rema yabattottolera obuzibu bwe yayitamu ng’anoonya ekika kye. Nti olumu Rema yasisinkana Ssenga we Nabatanzi ku...

Laga 220x290

Rema yasoose kukolebwako mikolo...

E Kyengera mu wiiki eddirira emikolo, Rema yasoose kukolebwako mikolo gya buwangwa okwanjula Hamza, Rema yali ne...

Buuza 220x290

Embaga ya Rema eriko ebibuuza

Kirumira yagasseeko nti ennaku z’omwezi baakuzitegeeza abantu mu kiseera ekituufu; n’annyonnyola nti enteekateeka...