TOP
  • Home
  • Ssenga
  • Ebiremesa omusajja okumalamu akagoba

Ebiremesa omusajja okumalamu akagoba

By Musasi wa Bukedde

Added 30th August 2017

OMUKUGU Markus MacGill ow‛omu Yuniversity ya Illinois-Chicago, School of Medicine mu Amerika azudde ng‛embeera y‛abasajja okulwawo okutuuka ku ntikko ejojobya bangi, naye ng‛abasinga tebagyogerako.

Ssenga1 703x422

Vva ku bino abasajja bye balya emmwanyi mbu bawangaalire mu kisaawe.

Naye waliwo abasajja abatatuuka ku ntikko, bambi n‛obusajja ne butuuka okubaluma naye ng‛ebintu bigaanyi.

Ate nga bw‛atatuuka ku ntikko, taweweera era takkakkana, omukazi n‛atuuka n‛okumusindika amuveeko naye ng‛alemereddwa okumalamu akagoba.

Abo be batuusa omukazi mu mbeera y‛okukuba enduulu abali ebweru babataase anti nga kisusse.

Waliwo bannaffe abagaaya ebiragala abamanyiddwa ennyo olw‛ekikolwa kino. Naye abakugu ku bano bazuddeyo ebipya.

Okulwawo ennyo okumalamu akagoba oba okulemererwa okukamalamu kikumma essanyu ate nga ne munno talifuna.

Kubanga bambi amazzi ago abasajja ge bamala nabo gabanyumira anti galina engeri gye gabasensera ne bafuna obulumi obuwoomu ng‛obwo bw‛owulira ng‛otakula awali akavunza akato!

Kati nno abakugu bagamba nti embeera eno ey‛okulemererwa okumalamu akagoba eyinza okuva ku bintu bingi omuli na bino; Okumanyiira okwemazisa oluusi kye kireeta embeera eno anti nga bw‛obeera n‛omukazi emirimu tegitambula bulungi.

Waliwo abatuuka mu mbeera eno olw‛okukozesa ebiragalalagala, bano nabo bayinza okufuna ekizibu nga kino.

Oluusi n‛eddagala ly‛omira naddala ng‛olina obulwadde nga ssukaali, puleesa, n‛endala, nalyo liyinza okukukosa n‛olemwa okutuuka ku ntikko y‛omukwano.

Okuyingira akaboozi ng‛ebirowoozo tebitebenkedde bulungi nayo nsonga nkulu eyinza okukulemesa okumalamu akagoba.

Waliwo abayingira ensiike nga batamidde era ne batuuka mu mbeera eyo.

Abakugu era bagamba nti waliwo n‛eddiini eyinza okusiga embeera eno mu basajja naddala ng‛eddiini eno eyigiriza nti okwegatta n‛omuntu bo gwe batakusiimidde kya bulabe.

Embeera eno okugivumula abasawo bano baazudde nga kikwetaagisa kuyingira kaboozi ng‛oli musanyufu nga munno omwesunga.

Era akaseera kano n‛okakozesa okwerabira ku bizibu byo, naawe ofune ku ssanyu. Era n‛ekirala kwewala ebyo bye bamenye ekivaako embeera eno okweyongera.

More From The Author

Emboozi z’omuwandiisi endala

Emboozi endala

Whatsappimage20191213at212901copy 220x290

Balaze waaka ku mpaka z'emisono...

Balaze waaka ku mukolo gw'okwolesa emisono ogwategekeddwa Abraynz ku Serena Hotel mu Kampala

Steelandtubebyjmutebi2 220x290

'Abakozi mukomye okwemulugunya'...

FAAZA Raymond Kalanzi ow’e kiggo ky’e Kiwamirembe alabudde abakozi abasiiba ku mirimu yonna gye bali nga beemulugunya...

Fanda1 220x290

Eyasuulawo mukyala we emyaka 25...

SSEMAKA eyasuulawo mukyala we ng’afunye omulala akomyewo oluvannyuma lw’emyaka 25 n’amukuba empeta.

Bba 220x290

Kkamera ziraze eyabbye emmotoka...

KKAMERA za poliisi zikutte omusajja omulala ng’abba emmotoka eyabadde esimbiddwa okumpi n’eddwaaliro ly’e Mulago....

Tamalemirundi 220x290

Tamale Mirundi agobye abamulambula...

Mikwano gya Tamale Mirundi betwayogeddeko nabo baategeezezza nti obulwadde Tamale bwamwetamizza abantu era mu bamu...