TOP

Omusajja yapaala ne mukwano gwange

By Musasi wa Bukedde

Added 14th September 2017

Omutima gunnuma, simanyi oba ddala omwana yaamutta nga bwe yeewera oba gy’ali mulamu, kuba ebbanga ly’emyaka ebiri lye yakabeerako naye, tanzikiriza kumulabako wadde okwogera naye ku ssimu.

Nassozi1 703x422

Nassozi

NZE Sophia Nassozi, neevuma obutawuliriza bigambo bya Jjajjange ku musajja eyansigula mu bakadde bange ate olwamala okunzaalamu n’abuuka ne mukwano gwange.

Nalabagana ne taata w’omwana wange, mu 2005 bwe nnali mbeera ne jjajjange e Masanafu.

Yankwana era n’andaga ensi n’eggulu nange ne ndowooza nti nteebye olulenzi.

Yali muzimbi era ebiseera we naamulabira nalina emyaka 17, ate nga ye alinga mu myaka 30.

Wadde bangi baagezaako okundabula ku musajja gwebang’amba nti mukulu ku nze, naye omukwano gwali gumbisse amaaso nga byonna ssibiraba, ne tugenda mu maaso ne nva ewa jjajjange ne ng’enda ewuwe e Masanafu ne nkwata eddya.

Nafuna olubuto era ne nzaala omwana waffe ow’obulenzi Mahad kati agenda okuweza emyaka 11.

Olwamala okuzaala, baze empisa zaatandika okukyuka, ng’ayombayomba ssaako okunkubanga emiggo buli kaseera, kye saamanya nti yali aganzizza omuwala mukwano gwange Rashida Nakalema eyali muliraanwa waffe.

Banjooga nnyo, era embeera yampitirirako ne twawukana, Nakalema n’akwata eddya nga nze baze takyandabawo.

Yangoba ne ng’enda n’omwana waffe nga wa mwaka gumu, nga tatuwa buyambi.

Ekiseera kyatuuka ne nfuna omusajja omulala ne nfumbirwa, era kati ndi mufumbo.

Mu 2015, Mwande yatandika okunnoonya nti ayagala kulaba ku mwana we. Ebiseera ebyo yali mu kibiina kyakusatu, yatuukira wa mukulu wange Jamirah Nakato e Wamala, twakkaanya atwale omwana abeereko naye mu luwummula amale amuzze asome.

Wabula olwamutwala teyamuzza, kati emyaka ebiri, yang’aana okuddamu okumulabako wadde okwogerako naye, bwe mukubira essimu anvuma buvumi agamba nti nze mmuloga, era yeewera nti ayinza n’okutta omwana wange ssinga sirekeraawo kumuloga.

Tayagala kumunnyonnyola kyokka eby’obulogo by’ayogerako nze sibimanyi, kuba nze kati ndi mufumbo ew’omusajja omulala ye sirina kyemwagaza okuggyako okwagala okulaba ku mwana wange.

Omutima gunnuma, simanyi oba ddala omwana yaamutta nga bwe yeewera oba gy’ali mulamu, kuba ebbanga ly’emyaka ebiri lye yakabeerako naye, tanzikiriza kumulabako wadde okwogera naye ku ssimu.

Nagenda ku poliisi y’e Nansana ne nzigulawo omusango ku fayiro SD:22/29/08/2017, naye baamuyita n’agaama okujja, kati poliisi engamba nti bw’emusanga nkozese reference eyo akwatibwe.

Wabula Majid Mwande agamba nti mukyala oyo aliko ebintu by’akola ebirimu obulogo ate nga mukambwe nnyo.

Ate ebbanga lye nabeerako naye nga buli kiseera batugoba ku kyalo lwa kuwakula ntalo na kulwana.

Agamba nti muganda we abeera e Wamala gwe bayita Nakato yamukubira essimu n’amuwa omwana nga kati abeera naye kuba yamuwanga ssente ez’okuweerera omwana naye ng’amuteeka mu busomero obunafu.

More From The Author

Emboozi z’omuwandiisi endala

Emboozi endala

Lab1 220x290

GAVANA alabudde abayuza n'okuwandiika...

GAVANA alabudde abayuza n'okuwandiika ku ssente

Lop1 220x290

Minisita ayagala KCCA esse obukwakulizo...

Minisita ayagala KCCA esse obukwakulizo obupya ku baagala okuzimba ebizimbe mu Kampala

Funayo 220x290

Attottodde engeri omuzigu gye yatemye...

OMUKAZI Florence Nannyombi ‘omutujju’ gwe yasikambuddeko omwana we Amos Sekanza ow’emyaka omusanvu n’amutemako...

Gata1 220x290

Omusajja atemyeko abantu 4 emitwe...

OMUSAJJA bwe yatemyeko obulago abantu bana, baasoose kumuyita mulalu. Azzeeyo ku kyalo n’atemako emitwe abalala...

Magogoweb 220x290

Magogo amazeeko ekibonerezo ky'okutunda...

Pulezidenti wa FUFA, Moses Magogo asuubirwa okukomawo mu ofiisi oluvannyuma lw'ekkoligo ly'emyezi ebiri nga teyeenyigira...