TOP
  • Home
  • Ssenga
  • Eyanoonyeza mu Bukedde mu August 2017 akubiddwa embaga

Eyanoonyeza mu Bukedde mu August 2017 akubiddwa embaga

By Musasi wa Bukedde

Added 5th December 2017

SULAYINA Nansereko 22, omutuuze w'e Lyantonde eyalabikira mu Banoonya ba Bukedde nga August 15 nga yeetaaga omusajja ow'ekirooto kye afunye eddya.

Wata 703x422

Ramanthan ne Sulayina nga beeraga amapenzi.

Emboozi ye aginyumya bwati; Olunaku lwe nalabikira mu Banoonya ba Bukedde nafuna essimu ezisukka mu 250 okuva mu bitundu by'eggwanga eby'enjawulo kuba bonna baali bannegwanyiza olw'endabika yange n'ebigambo ebyali binvaamu.

Nasisinkanako abantu kkumi kyokka ne nondamu Ramanthan Byaruhanga eyalina ebisanyizo bye njagala.

Bwe twasiimagana twasookera mu kwekebeza musaayi e Kazo era ebyavaamu byali birungi ddala nga tebitulobera kugenda mu maaso olw'omukwano omungi gwe twalina.

Bazadde ba baze baamuwerekerako gye banzaala okuzuula oba ddala nnali nsazeewo okufumbirwa omulenzi ono.

Olwandabako bansiimirawo ne bandaganya olunaku lw'okugenda ewa Ssenga. Twakyala ewa Ssengange nga October 26, 2017 e Lyantonde omusajja ne bamusiima ne balaga olw'okwanjula nga November 26, 2017.

Baze okubeera nga mulema tekiηηaana kumwagala kuba obulema ssi buteesobola ate asinga abalamu bangi ddala, bwatyo Sulayina Nansereko bwe yakkaatirizza.

Okwanjula bwe kwawedde, bazzizzaako omukolo ogw'okuwoowa nga gwakulembeddwa Muwalimu Yahaya Nkonge eyakubirizza abagole okukulembeza Katonda mu buli nsonga.

Ate Byaruhanga omutuuze w'e Nsambya mu Keviina Zooni ate nga musuubuzi mu katale ka St. Balikuddembe agamba nti musanyufu okufuna omukazi ne yeebaza Bukedde okumufunira omukazi gwe yalootanga.

More From The Author

Emboozi z’omuwandiisi endala

Emboozi endala

Mm 220x290

Kkampuni zisaze omusolo ku ‘Mobilemoney...

KKAMPUNI z’amasimu zitandise okussa mu nkola etteeka ly’okukendeeza gwa ‘mobile money’ (Airtel money, Africel Money...

Monicangalagaobutungulubwatunda500webuse 220x290

Ekigwo ekimu tekyandobera kuddamu...

Omulimu gw'okufumba bwe gwanzigwako tekyandobera kutandika kulimira wafunda era kati nasituka dda sirina agoba....

Skull 220x290

Bamukutte n’akawanga

OMUSAJJA eyasangiddwa n’akawanga k’omufu gamumyuse. Abatuuze baamulinye akagere ne bamukwata n’ekisawo mwe yabadde...

Muhangi3 220x290

Muhangi akkirizza okusisinkana...

OMUGAGGA Charles Muhangi awadde abasuubuzi abakolera ku bizimbe bya Qualicel(Horizoni city) ne Nabukeera (Bazannya...

Zaina2webuse 220x290

Obwakondakita bwamponya ennaku...

Okukola obwakondakita nga ndi mukazi kinnyambye okulabirira abaana bange ate n'okuyiga bwe bakolagana n'abantu...