TOP
  • Home
  • Ssenga
  • Essimu etuuse okuntabula ne mukyala wange

Essimu etuuse okuntabula ne mukyala wange

By Musasi wa Bukedde

Added 12th April 2018

NNINA obuzibu ne mukazi wange. Obuzibu buno buva ku ssimu ze bamukubira buli kiro n’obubaka bwe bamusindikira. Kino simanyi kyakukikolera naye nga kimazzeeko emirembe. Ssenga nnyamba.

Ssenga1 703x422

ESSIMU zireese obuzibu mu maka mangi ennaku zino. Era amagezi ge tuwa abafumbo kwe kwesonyiwa essimu kubanga oluusi zivaako obuzibu mu maka ne gasasika.

Newakubadde abasinga baagala okumanya ebifa ku ssimu naye omuntu asobola okwenda naye nga ku ssimu tolina ky’olaba.

N’ekirala si buli ky’olaba ku ssimu kitegeeza kwenda. Kati ogambye nti essimu z’afuna naye weebuuze bwe bamukubira yeeyisa atya? Kubanga tosobola okugaana basajja bakwana mukyala wo.

Wabula bwe bamukwana yeeyisa atya? Bwe bakuba essimu avaawo oba asigalawo ng’ayogera okumala ekiseera?

Alina naye essimu zaakuba n’amala ekiseera ng’ayogera? Obubaka bwe bamusindikira bulinga bw’addamu oba naye tabufaako.

N’ekirala oba ddala tayagala basajja abo abamukwana, wakimugambako? Kubanga ennaku zino kumpi buli ssimu osobola okugaana okukuba essimu ng’omuntu oyo toyagala kumuwuliza.

Naye ate bw’ogenda mu maaso n’omuwuliza kiraga nti omwagala. N’ekirala empisa z’omukyala ono ziri zitya?

Alaga nga takuliiko ng’asinga kufa ku ssimu ezimukubirwa oba by’akola tebikusanyusa ku ssimu mmugambeko. Tosirika busirisi.

More From The Author

Emboozi z’omuwandiisi endala

Emboozi endala

Lib2 220x290

Ab'omukago gwa IPOD bateekateeka...

Ab'omukago gwa IPOD bateekateeka kutwala ssabawolereza wa Gavumenti mu kkooti

Web 220x290

Nnaalongo akubye omwana wa muggya...

OMUKAZI atuze omwana wa muggya we n’amutta poliisi n’emutaasa ku batuuze nga baagala kumugajambula.

Kit2 220x290

Kitatta bamuggye e Makindye n'atwalibwa...

Kitatta bamuggye e Makindye n'atwalibwa e Luzira

Hip2 220x290

Olunaku lw'okuyonja akamwa lukuziddwa...

Olunaku lw'okuyonja akamwa lukuziddwa e Kayunga

Gat2 220x290

Abagambibwa okutigomya Matugga...

Abagambibwa okutigomya Matugga Poliisi ebakutte