TOP
  • Home
  • Ssenga
  • EBBALUWA YA SSENGA: Essimu etuuse okukulemesa obufumbo

EBBALUWA YA SSENGA: Essimu etuuse okukulemesa obufumbo

By Musasi wa Bukedde

Added 24th April 2018

LWAKI bwe bakukubira essimu buli kiseera ovaawo n‛oleka omwami yekka ng‛ate muli ku kijjulo. Mbu waliyo abantu abakukubira essimu buli lunaku naye bw‛oyogera nabo omala kumpi essaawa bbiri nnamba.

Bula 703x422

Ate batera okukuba nga muli ku kijjulo era olekawo emmere n‛oyogera n‛abantu abo munno n‛abaana n‛obaleka nga balya.

Mwana wange okusookera ddala, okuva ku mmere nga banno balya n‛ogenda ku ssimu oba okukola ekintu ekirala kibi.

Emmere olina okugissaamu ekitiibwa era okuggyako ennaku zino ab‛edda bakimanyi bulungi nti bwe mutuula okulya emmere okuvaawo nga buli muntu amaze okulya.

Kaakati ate ggwe okuleka banno ng‛ofunye essimu n‛omalayo kumpi essaawa bbiri ng‛oyogera ekyo si kirungi n‛akamu. N‛ekirala oyogera n‛ani oyo asinga famire yo n‛omwami wo?

Omwami wo lwaki tomussaamu kitiibwa era lwaki omulaga empisa ezo? Sirowooza nti ab‛oku mulimu be bakukubira kubanga ebyawammwe ku mulimu mbimanyi bulungi biggweera ku mulimu.

Oba olina muganzi wo nga gw‛oyogera naye? Okimanyi nti ssinga musajja mulala ssinga yakukuba oba yakutuusaako obulabe?

Kubanga musajja muwombeefu naye era w‛atuukidde okwatula nga kigenze wala. Mwana wange obwo bujoozi era olina okukomya okwogerera ku ssimu nga banno balya.

N‛ekirala era si buvunaanyizibwa okwogera ku ssimu kumpi kumala ssaawa bbiri nga n‛omwami wo akulaba.

Omwami agamba nti ssinga toleka muze guno agenda kukugoba kubanga olabika olina omusajja gw‛oyagala.

Anti nti ne mu kisenge tokyatuukiriza buvunaanyizibwa, ekitegeeza nti olina akusigula.

Mwana wange nze omwami waffe mmuwagira, ddala omujooze nnyo. Essimu giveeko oba oyagala obufumbo.

More From The Author

Emboozi z’omuwandiisi endala

Emboozi endala

59148f0c79e3455bb2de95a2f1b5a89d 220x290

Ogwa Bajjo okunyiiza Museveni gugobeddwa...

Omulamuzi wa kkooti ya Buganda Road Stella Amabirisi agobye omusango ogubadde guvunaanwa omutegesi w'ebivvulu Andrew...

Top33 220x290

Aba FMU batongozza ez'oku ssande...

Aba FMU batongozza ez'oku ssande

Babe 220x290

Eyannimba okuba omuserikale anneefuulidde....

Nsobeddwa oluvannyuma lw’omusajja eyannimba nti muserikale wa tulafiki ku poliisi y’e Kanyanya okunfunyisa olubuto...

Funa 220x290

Mayinja ayogedde ku by'okufuna...

Mayinja bwe yatuukiriddwa yasoose kusambajja bimwogerwako nti yafuna ssente okulwanyisa People Power era n’ategeeza...

Dav11 220x290

Minisita w'ebyemizannyo asanyukidde...

Minisita w'ebyemizannyo asanyukidde abazadde abatatuulira bitone by'abaana