TOP
  • Home
  • Ssenga
  • Nasuula layini yange ey’essimu lwa muwala kunnemerako

Nasuula layini yange ey’essimu lwa muwala kunnemerako

By Musasi wa Bukedde

Added 8th June 2018

NZE Ben Klibo, mbeera Kitintale. Nnina emyaka 22. Nafuna omuwala nga bamuyita Betty ng’ abeera ku kyalo kye kimu naffe era ng’amazzi tugakima mu kifo kye kimu.

Renew1 703x422

Wano we twesanganga naye buli lunaku nga musenera amazzi naye nga simugambangako kigambo kyonna nti mwagala.

Ebiseera ebyo nnali nkola wa mugagga era nga nnina enkoko ze nnunda nga zibiika amagi ge twatundanga buli lunaku era nga nze ngabala.

Olumu nawandiika akabaluwa ne nkasuula mu kkubo nga ndowooza nti anaakalaba ng’ ayitawo naye teyasooka kukalabirawo era oluvannyuma ennyo ng’ajja okusena amazzi yakalonda.

Nnali mpandiiseeko amannya gange n’agage nga mutegeeza nga bwe mwagala ennyo.

Omuwala ono yajja n’abimbuuza oba akabaluwa kano nkamanyiiko nze ne mbyegaana kubanga nnali ntegedde nti tekimusanyusizza naye oluvannyuma nakkiriza era ne mmusaba ansonyiwe.

Yansonyiwa naye n’annenya lwaki nnali nkoze ekintu bwekiti era nti ssinga abeewaabwe bakalabye byandibadde bizibu gy’ali.

Twayagalana okumala akaseera, omuwala ono n’atandika n’okujjanga ewaffe era wano baaba bwe yakimanya n’amuyombesa nnyo naye oluvannyuma n’amwesonyiwa.

Ekyasinga okuntabula ku muwala ono kwe kutandika okuwulira ebigambo nti yali ayagala mukwano gwange ne sisooka kukkiriza naye namala ne mbeekwatira.

Omuwala ono mu kifo ky’ensonyi ye yasunguwala busunguwazi nange ne mmwesonyiwa. Wabula omuwala ono yalaba mmuviriddeko ddala yasalawo okulemeranga ku ssimu yange ng’ akuba naye nze nga sigikwata era kino kyampaliriza n’okusuula layini yange era ne ngifi isiza ddala.

Yatuuka ekiseera nga takyampuliza n’anvaako olwo nange ne muwona.

More From The Author

Emboozi z’omuwandiisi endala

Emboozi endala

Bo1 220x290

Bobi Wine wakuvunaanibwa mu kkooti...

Bobi Wine wakuvunaanibwa mu kkooti y'Amagye

Index 220x290

Ebya Bobi Wine bibi! Agenda kuvunaanibwa...

Ebya Bobi Wine bibi! Agenda kuvunaanibwa kkooti y'amagye lwa kulya mu nsi ye lukwe

39248881101567630827890782826876916504461312n 220x290

Poliisi eraze emmundu bbiri, basitola...

Poliisi eraze emmundu bbiri, basitola n'amakerenda g'eyise enjaga ewa Bobi Wine:'Twabisanze mu wooteri mw'abadde...

Shecranes03 220x290

She Cranes ekubye Malawi mu za...

SHE CRANES ttiimu y’eggwanga ey’okubaka enkya ya leero eyongedde okulaga nga bw'eri emmalirivu okusigaza engule...

Hip1 220x290

Nnansi agenze ku ndagu okutereeza...

Nnansi agenze ku ndagu okutereeza amaka ne bamubba