TOP
  • Home
  • Ssenga
  • Baka balamu bange bannemesezza eddya

Baka balamu bange bannemesezza eddya

By Musasi wa Bukedde

Added 17th August 2018

NZE Shifrah Nalwadda 25. Mu 2016 omusajja ayitibwa Akim yankwana era nange ne musiima ne mmukkiriza n’antwala ewuwe ne ntandika okugamutokosereza.

Genda1 703x422

Baze ono omuvuzi wa bodaboda nga tubeera naye mu Bwaise Zooni A naye ng’ebiseera ebyo nnali sirina mulimu era nga sikola naye nga twagalana okukamala.

Waayita akaseera katono ne wabaawo omuwala eyanfunira omulimu ogw’okukola mu kawooteeri ku lidda ku Eden e Bwaise.

Wabula nasanga obuzibu kuba bakyala ba balamu bange baatandika okunsibako ebigambo nga bagamba baze nga bwe nnina abasajja ba takisi abaali bankwana ekitaali kituufu.

Olugambo luno lwaggya bazze mu mbeera kuba buli bwe yakomangawo okuva okukola, yatuukiranga mu kunkuba bikonde na nsambaggere nga kw’ateeka okumbuuza abasajja bano abaali bansigula.

Lumu nagenda okulaba nga kiyitiridde kwe kusalawo okudukira ku poliisi y’e Wandegeya gye nasula.

Enkeera nagenda n’abaserikale awaka, wabula nnyazaala wange n’azibikira emize gya mutabani we kuba amaka gaffe n’agage gaali geeriraanye.

Oluvannyuma nnyazaala yasalawo okundabirira kuba nnali lubuto lwa mutabani wange, Ishami Ssejjemba ow’omwaka ogumu n’emyezi mukaaga kati.

Wabula wadde nnali sikyabeera wa Lutaaya, yanneewerera okunsamba mu lubuto luveemu okuggyako nga maze okumubuulira nnannyini lwo ng’agamba nti si lulwe.

Nnali mbuzaayo akaseera katono okuzaala, muganda wange n’ampeereza keesi bbiri nga zijjude engoye wabula omuntu wa nnyaazaala wange n’azinzibako.

Bwe nabagambako, badda mu kunkuba nga bwe bagamba nti nnali mbawaayiriza. Natuuka okugenda okuzaala nga sirina kantu konna kuba n’omusajja yali takyampa buyambi.

Waliwo omusajja omukulu eyantwala mu ddwaaliro ne nzaala oluvannyuma ne tugenda ewa maama wange e Matugga gye nabeera akaseera ne nvaayo ne nzira ewa nnyazaala wange.

Wabula olumu ssente zaabula mu nnyumba ne bampaayiriza nti nze nali nzitutte. Bwe nagezaako okwegaana, badda mu kunkuba era okukkakkana nga ngobeddwa.

Kati nsula ku luguudo kyokka ekisinga okunnuma buli omu yali ayogera muwendo gugwe nga tewali yeekakasa kuba abamu baali bagamba mitwalo 20, abalala 30 ssaako 40, ekiraga nti baali balimba.

More From The Author

Emboozi z’omuwandiisi endala

Emboozi endala

Drssempangieyasingaanidwamumakagenanyonyolawebuse 220x290

Abaana Abakaramoja basomesebwe...

Ssempangi awabudde gavumenti ku baana b’e Karamoja abasibira ku nguudo n’ategeeza nga bwe batundibwa abazadde okujja...

Chozenbeckyclearwebuse 220x290

Abayimbi beesunga kusanyusa badigize...

Abayimbi ab'amannya bali mu kuwawula maloboozi olw'okwesunga okuyimba mu Kyepukulu ekiwagiddwa Vision Group ne...

Lukiikombalirira7 220x290

Buganda eyisizza embalirira yaayo...

OBWAKABAKA bwa Buganda buyisizza embalirira y’Omwaka 2019/2020 ng’eno ya nsimbi 121,079,490,880/- nga kweyongera...

Samba 220x290

Omusika atunze ebiggya ku 1500/=!...

PULOFEESA Kiwanuka Ssemakula amaziga gaamuyunguse bwe yatuuse ku butaka gy’asibuka ng’amalaalo ga kitaawe gaatundibwa...

Kub2 220x290

Gavt. esiimye ebitongole ebisikiriza...

Gavt. esiimye ebitongole ebisikiriza abavubuka okuyingira obulimi n’obulunzi