TOP
  • Home
  • Ssenga
  • OKUBUULIRIRA ABALENZI: Kendeeza ku mwenge gw'onywa

OKUBUULIRIRA ABALENZI: Kendeeza ku mwenge gw'onywa

By Musasi wa Bukedde

Added 29th August 2018

TULINA okunyolwa kwa maanyi kubanga ennaku zino kigambo mwenge kifuuse kizibu mu maka gaffe.

Blackmanalcohole1470136518562690450crop80 703x422

Muwala wange yaηηamba nti oluusi osula era n‛otokola kuba oba mukoowu. Omukyala agamba nti oluusi bakukomyaawo nga weefukidde mu mpale ate abakukomyawo be basajja ab‛oku kyalo oluusi b‛okozesa ku ffaamu.

Mwana wange buli kintu kyonna bwe kiyitirira kifuuka kizibu mu bulamu bw‛omuntu.Omwenge si mubi kw‛abo abagunywa obulungi.

Naye ssinga guyitirira guleeta ebizibu mu maka. Era abantu basalawo okwewalira ddala omwenge.

Ate era waliyo n‛eddiini etekkiriza kunywa mwenge olw‛ebizibu ebisobola okuvaamu. Ekintu kyonna ekitamiiza si kirungi, wabula ssinga weepimira kalekaleko.

Ekibi nti bangi tebasoboola kwepimira. N‛ekirala omwenge guweebuula nnyo naddala ssinga ogunywa n‛oyitawo. Laba bw‛oswala mu baana bo era n‛abantu ku kyalo omusajja omukulu okwefukira mu mpale.

Oba olina ekikutawaanya mu birowoozo ng‛olowooza nti omwenge gusobola okukuyamba weerimbye.

Abantu bangi batandika mpola nga banywa omwenge mbu beerabire ebirowoozo naye bagenda okulaba ng‛ebizibu tebigenda ate ng‛embeera yeeyongera kuba mbi.

Kati bw‛ogamba nti olina ebizibu omwenge teguggyaawo birowoozo, wabula embeera yeeyongera kuba mbi.

Ennaku zino waliyo ababudaabuda abantu abasobola okukuyamba ssinga obeera n‛ebizibu era nga bw‛olina ku kasente kirungi obalabe, bajja kukuyamba.

N‛ekirala olina emikwano mingi gy‛osobola okubuulira ebizibu byo. Naye mwana wange omusajja eyali oweekitiibwa ku kyalo kati ofuuse kirala.

Ate n‛abaana baffe baswala nnyo bwe bakulaba mu mbeera eyo. Omukyala agamba emirimu gigenda gifa kati nga bw‛omanyi abaana baffe bakyali bato ssente bwe zinaakendeera banaasoma?

Mwana wange nkubira ku ssimu twogere ku nsonga eno.

More From The Author

Emboozi z’omuwandiisi endala

Emboozi endala

Pak2 220x290

Mike Mutebi ne Misagga bandibonerezebwa...

Mike Mutebi ne Misagga bandibonerezebwa

Web2 220x290

Ne mu kusoomoozebwa tewava ku Katonda...

Ne mu kusoomoozebwa tewava ku Katonda

Kap1 220x290

Wawanirira Klezia ya St. Agnes...

Wawanirira Klezia ya St. Agnes Makindye

Lap2 220x290

Otuzimbye mu mulimu gw'ebifaananyi...

Otuzimbye mu mulimu gw'ebifaananyi

Mpa2 220x290

Abavuganyizza mu z'okukyusa embeera...

Abavuganyizza mu z'okukyusa embeera beebugira buwanguzi