TOP

Omwana asusse okumbuuza kitaawe

By Musasi wa Bukedde

Added 30th August 2018

OMUSAJJA ggwe nasookerako yammennya omutima gwange. Olwanfunyisa olubuto n’ambulako teyaddamu kulabikako. Kati omwana ambuuza kitaawe kyokka simanyi bimukwatako.

Boss 703x422

Nze Shamim Lunkuse mbeera Kawempe. Twasisinkana n’omusajja mu kimu ku bifo ebisanyukirwaamu e Bwaise gye nnali hhenze okusanyukira ne tusiimagana.

Mu kiseera ekyo nali nnina emyaka 15 nga mbeera ne mukulu wange e Kikaaya ekisangibwa mu Ggombola y’e Nakawa.

Twayagalana okumala akaseera n’anfunyisa olubuto kyokka olwakizuula, yandaga nti akisanyukidde kuba yali tazaalangako ate ng’ansuubizza ebintu bingi omuli n’okumpasa.

Embeera z’omusajja zaatandika mpola okukyuka n’atandika okwekweka nga takyayagala kundabako wadde okuwuliriza kye mugamba.

Embeera yankalubirira nga sirina buyambi bumala newankubadde nnali nnina okugenda mu ddwaaliro okufuna obujjanjabi kuba olubuto lwali lukuliridde.

Omusajja yatuusa ekiseera n’abulira ddala ku kyalo n’essimu n’agikyusa nga sikyalina bwe nyinza kumufuna.

Nagezaako okutuuka mu kyalo e Butambala gye bamuzaala okumanya ebimufaako naye nasanga bazadde be baafa nga tewali ayinza kunnyamba wadde okukola ku bizibu byange. Embeera eno yannyigiriza okutuusa bwe nnazaala omwana.

Kati wayiseewo emyaka 13 nga nzadde omwana ow’obuwala naye simanyi bikwata ku kitaawe wadde okumuwulizaako.

Bino byonna osanga nandibigumidde naye omwana wange buli olukya ansaba mulage kitaawe ekintu ekimmazeeko emirembe.

Omwana akuliridde kati ali mu siniya naye yeetaaga obuyambi, obujjanjabi n’ebirala naye nkaluubirizibwa kuba nange embeera ennyigiriza olw’obutabeera na ssente zimala.

Simanyi kyakukola nsaba kumpa ku magezi.

More From The Author

Emboozi z’omuwandiisi endala

Emboozi endala

Kirumiranew5 220x290

OKUTTA KIRUMIRA: Basonze olunwe...

AMAGYE geekenneenyezza obujulizi ku kutemula Kirumira ne bagattako ne bye bakung'aanyizza mu bantu abaasoose okukwatibwa...

Pana1 220x290

Engeri gye nnonda engoye ezinnyumira...

Bino yabinnyonnyodde PATRICK KIBIRANGO. “Bye nnyambala nfuba okulaba nga bigendera ku kikula ky’omubiri gwange....

Ta 220x290

Engeri gy’olabirira enviiri ezitaweza...

ABAKYALA n’abawala bafaayo okulabirira enviiri zaabwe, kubanga zikola kinene ku ndabika y’omukyala. Ku bakyala...

Sese 220x290

Karungi nzaalira omusika tweyanjule...

ALEX Divo ne Lailah Karungi ab’e Ndejje Lubugumu bamaze emyaka ena nga baagalana naye ng’omukwano gwabwe bagamba...

Ssenga1 220x290

Ssenga nsusse obugazi!

NDI mukyala mufumbo nnina n’abaana babiri naye baze agamba nti ndi mugazi. Nkole ntya? Nze Fiina e Mukono.