TOP

Emiggo n’omwenge mbikooye

By Musasi wa Bukedde

Added 3rd September 2018

NZE Scovia Irachan 24 ,ndi mutuuze w’e Kazo - Lugoba mu Munisipaali y’e Kawempe. Twalabagana ne baze emyaka ena n’ekitundu egiyise ku Arua Park gye nali nkolera.

Sector 703x422

Yasooka kuba mukwano gwange, oluvannyuma n’afuuka muganzi wange okukkakkana nga tufuuse bafumbo kuba buli omu yali asiimye munne.

Baze yali akola gwa kwetikka migugu ku Arua Park mu Kampala. Era empisa ze yandanga kye kimu ku byampaliriza okumukkiririzaamu nga ndowooza nti nfunye omuntu omutuufu.

Wabula olwantwala mu maka ge wamma nange ne ndoza ku bukambwe bwe. Ekisooka, nga naakabeera naye ebbanga ttono, yansaba nzikirize omuwala muganda wa mukwano gwe tubeere naye awaka kuba muganda we teyalina busobozi.

Namulabirira bulungi kuba omwami wange yali ansabye mu mirembe kyokka kye saamanya nti nali ndabirira muggya wange mu nju.

Olumu nazuukukanga ekiro nga simulaba, bwe yakomangawo ng’aηηmba nti ava kufuuyisa ekyo ne nkitegeera.

Natandika okumwekengera kuba kyali kisusse era lwali lumu kwe kubeesangira kiro mu ttumbi nga basinda omukwano mu ddiro.

Bino byagenda okubeerawo ng’omuwala ali lubuto. Ekyokubiri, omuwala olwazaala omwana, yamunsuulira oluvannyuma lw’okufuna obutakkaanya ne bba ne mulabirira era kati ali mu kisulo gy’asomera.

Nze nnina abaana babiri era omukulu atuuse okusoma naye omusajja yagaana okumusasulira fiizi.

Bannange byonna mbadde mbigumidde nga njagala tukuze ezzadde lyaffe naye omusajja asusizza obukambwe, buli lw’anywa n’atamiira, olukomawo awaka ku nze n’abaana bange kwatuukira n’atukuba awatali nsonga.

Lumu yansamba mu lubuto n’anjuza olukindo era awo nasooka ne nzirayo ewaffe, kyokka n’anonayo ng’agamba nti akyusizza ku mpisa wabula tewayiise bbanga n’addamu n’ankuba kwe kugenda ku poliisi y’e Kawempe ne bamuggulako omusango ku fayiro nnamba SD:REF: 80/30/7/2018.

Abafamire yange baamukoowa tebamwagala olw’okuba tabawa kitiibwa, antulugunya, yatuuka n’okuvuma maama wange nti malaaya.

Abaana balwala buli kiseera kuba tebalina ndabirira nnungi, bwe ngezaako okutambula nnoonye emirimu ndabirire awaka ng’annangira obwenzi.

Nsaba omuntu yenna alina obuyambi anziruukirire ku nnamba y’essimu 0759148415. ‘Omusajja muviire

More From The Author

Emboozi z’omuwandiisi endala

Emboozi endala

Sit2 220x290

Omugagga akubye omutemu n’amusuuza...

Omugagga akubye omutemu n’amusuuza emmundu

Sev2 220x290

Museveni atabukidde Katikkiro Mayiga...

Museveni atabukidde Katikkiro Mayiga ku by'emmwaanyi

Det2 220x290

Teddy afulumizza ekiwandiiko ku...

Teddy afulumizza ekiwandiiko ku bya bba Bugingo

Kop2 220x290

Owa bodaboda gwe baakuba ennyondo...

Owa bodaboda gwe baakuba ennyondo alojja

Lap2 220x290

Eyatuga owa bodaboda asonze ku...

Eyatuga owa bodaboda asonze ku munene gw’akolera