TOP

Omusajja atakola amenya!

By Musasi wa Bukedde

Added 6th September 2018

OMUSAJJA yannema lwa butayagala kukola, yandekera obuvunaanyizibwa bwonna omuli n’okusasula ennyumba mwe tusula. Nze Penlope Ntolino 27, mbeera Kawempe.Baze twasiimagana naye ng’abaagalana bonna bwe babeera, omukwano gwatandikira mu ggyiya.

Tuli 703x422

Twasalawo okubeera ffembi mu bufumbo mu maka gaffe agasangibwa e Kawempe mu Nkere Zooni mu 2016.

Omukwano gwaffe gwasooka kuba nga gweyagaza ate nga muntu mulamu wadde nga yali akola bwa D.J nga mukubi wa bidongo mu bifo ebisanyukirwamu mu Kampala.

Bwe yamala okunfunyisa olubuto, embeera ze zaatandika mpola okukyuka nga buli lwe mmunenyaako ng’ayomba kw’ogatta okunkuba.

Twatambulira mu mbeera eyo okutuusa bwe nnazaala. Baze yeyongera okundaga empisa ensiiwuufu bwe yasuulawo obuvunaanyuzibwa bwe.

Yatuusa ekiseera nga takyalina ky’ayagala kutuukiriza wadde okugula emmere.

Awaka nafuuka omwami nga buli kimu nze nkikola. Omusajja bwe yakizuula nti nkola ne nfuna ku busente, yasalawo okwesonyiwa okukola era ng’asiiba waka.

Mu kiseera ekyo nali ntembeeya ngoye z’abaana okufuna ssente.

Olumu nafunanga okusomoozebwa nga ntya landiroodi okutukasukira ebintu wabweeru nga nina okukola ennyo okulaba nga musasula ssente z’ennyumba.

Kyantwalira emyaka esatu nga nfumbira mu bugubi nga buli kiseera mbeera mu kweraliikirira miggo, ssente n’obutabeera na byetaago.

Nagenda okulaba nga mbikooye kwe kusalawo okwesonyiwa omusajja ono. Baze olwamuviira, yagezaako okuneegayirira tuddiηηane naye ne ηηana.

Yantumira ababaka omwali ne mikwano gyange naye nagaana kati myezi munaana nga twawukanye era nkola byange.

More From The Author

Emboozi z’omuwandiisi endala

Emboozi endala

Wab1 220x290

Obukodyo bw’okozesa okulwanyisa...

Obukodyo bw’okozesa okulwanyisa obuggya mu baana

Mal1 220x290

Malokweza ayogedde ebimuwangaazizza...

Malokweza ayogedde ebimuwangaazizza emyaka 90

Kad1 220x290

Maama wa Patrick Kaddu musanyufu...

Maama wa Patrick Kaddu musanyufu olw'omwana we okuteeba ggoolo eyatutte Cranes mu AFCON

Ken1 220x290

Ssentebe w'ekinnawattaka agobeddwa...

Ssentebe w'ekinnawattaka agobeddwa ku bukulembeze mu bunnambiro!

Seb2 220x290

Ababaka bakomezzaawo eby'enfa ya...

Ababaka bakomezzaawo eby'enfa ya Nebanda