TOP

Omuwala lwaki tayagala kwegatta?

By Musasi wa Bukedde

Added 6th September 2018

SSENGA omuwala gwe njagala tayagala kwegatta nange era kati tumaze emyaka ng’etaano nga teri kwegatta.

Yita 703x422

Omuwala mulokole aηηamba nti alina kusooka kukisabira. Ssenga mpulira nga nkooye kubanga nnina omuwala omulala naye ng’alabika talina bukwakkulizo.  Ate omuwala ono bagamba nti alabika alina omusajja omulokole amwagala.  Yaηηamba n’okulokoka naye nga ndaba sikisobola ndi musajja Mukatoliki. Ssenga nnyamba ku nsonga eno. Omuwala ono alina emyaka 29. Ddala kituufu aliko embuzi? Lwaki tayagala kwegatta?

Naye okusaba okwegatta okumala emyaka etaano! Ate ono si muwala muto, mukyala lwakuba tannazaala naye muntu mukulu.

Sigaanyi abantu balina enzikiriza yaabwe era oluusi osobola okubeera n’obugumiikiriza naye nze ndaba ng’emyaka etaano kinene nnyo ku muntu omukulu.

Oba owulira olugambo nti alina omusajja omulokole ate nga ggwe wagaana okulokoka tomanya kyandiba ekituufu. Naye olina okufuna obukakafu.

Kubanga oluusi ziba ηηambo. Ekirala mwana wange oli mutuufu obutakyuka kubanga obwo obukwakkulizo si bulungi.

Abantu abasinga kye batamanyi nti okukyuka mu ddiini kiba ng’okukyusa eggwanga. Ate omuntu bw’alemera ku nsonga eno oluusi aba yeekwasa busonga naye nga takuliiko.

Sigaanyi oluusi ayinza okuba ng’akitegeeza era ng’akwagala naye bwe kiba bwe kityo oba olina kumwesonyiwa kubanga eddiini nga tezikwatagana ate nga buli omu tasobola kubeera na munne okuggyako nga waliyo akyuse olina okusalawo ekyokukola gwe ng’omuntu omukulu.

Kati mwana wange n’ekirala omuntu akwagala omumanya mu bikolwa ddala gwe olaba omukyala ono akwagala.

Ng’oggyeeko eby’eddiini era weetegereze oba alabika alinayo omusajja omulala omwesonyiwe.

More From The Author

Emboozi z’omuwandiisi endala

Emboozi endala

Annotation20190718192802 220x290

Okwogera kwa Pulezidenti Museveni...

Okwogera kwa Pulezidenti Musevebni eri eggwanga. Tuli mu maka g'Obwapulezidenti e Nakasero

Massagebeingdonewebuse 220x290

By'olina okutunuulira nga tonnakola...

Nakola masaagi ne ntemwako okugulu era ntambulira mu kagaali - Dr. Karuhanga

Omukubayizingalikobyanyonyolawebuse 220x290

Abawala abazaddeko mubazze mu masomero...

Abawala abazaddeko okudda mu masomero kyakuyigiriza abalala obutakola nsobi n'okubudaabuda abafunye obuzibu bwe...

Teekawo1 220x290

Akakiiko ka bannamateeka kasazizzaamu...

OLUKIIKO olufuzi olwa bannamateeka ba Uganda Law Society olukwasisa empisa lusazizzaamu ekibonerezo ky'emyaka ebiri...

Club 220x290

Vipers bagitutte mu kkooti lwa...

KIRAABU ya Vipers bagitutte mu kkooti lwa kukozesa akabonero kaayo (logo) nga tebasasudde yakakola. Era eyabawawaabidde...