TOP
  • Home
  • Ssenga
  • Omukazi gwe njagala tayagala kwegatta nange!

Omukazi gwe njagala tayagala kwegatta nange!

By Musasi wa Bukedde

Added 12th September 2018

OMUWALA gwe njagala tayagala kwegata nange kati tumaze emyaka nga etaano nga teri kwegatta. Omuwala Mulokole agamba nti alina kusooka kukisabira. Ssenga mpulira nga nkooye kubanga nnina omuwala omulala naye ng’alabika talina bukwakkulizo. Ate omuwala ono baηηamba nti alabika alina omusajja Omulokole amwagala. Yaηηamba n’okulokoka naye nga ndaba sikisobola kuba ndi Mukatuliki. Ssenga nnyamba ku nsonga eno. Omuwala wa myaka 20, ddala kituufu ayinza okuba n’embuzi?

Ssenga1 703x422

OKUSABIRA okwegatta okumala emyaka etaano. Ate ono si muwala muto mukyala lwakuba tannazaala naye muntu mukulu.

Sigaanyi abantu balina enzikiriza yaabwe era oluusi osobola okubeera n’obugumiinkiriza naye ndaba ng’emyaka etaano kinene ku muntu omukulu.

Oba owulira olugambo nti alina omusajja Omulokole ate nga ggwe wagaana okulokoka, tomanya kyandiba ekituufu naye olina okufuna obukakafu.

Oluusi zibeera ηηambo. Ekirala oli mutuufu obutakyuka kuba obwo obukwakkulizo si bulungi.

Abantu abamu tebakimanyi nti okukyuka mu ddiini kuba nga kukyusa mu ggwanga. Ate omuntu bw’alemera ku nsonga eno oluusi aba yeekwasa naye nga takuliiko.

Sigaanyi oluusi ayinza okuba ng’akitegeeza era ng’akwagala naye bwe kiba bwe kityo oba olina kumwesonyiwe kubanga eddiini nga tezikwatagana olina okusalawo eky’okukola gwe ng’omuntu omukulu.

N’ekirala omuntu akwagala omumanya mu bikolwa. Ng’oggyeko eddiini, weetegereze oba alabika alinayo omusajja omulala nga gwe yakwesonyiwa naye nga takubuulira kituufu.

More From The Author

Emboozi z’omuwandiisi endala

Emboozi endala

Mala1 220x290

BUKEDDE W’OLWOMUKAAGA AFULUMYE...

Mulimu abayizi 5 abasinze mu buli ssomero mu disitulikiti ez’enjawulo. Tukugattiddeko n’ebifaananyi byabwe nga...

Morning 220x290

Obulamu bw’okweyombekera kkoyi...

OBULAMU obw’omu bumenya! Bayibuli ekirambika nti ekitonde ekisajja kineegattanga n’ekitonde ekikazi ne bakola obufumbo...

Ssenga1 220x290

Bakwana batya?

Ekizibu kye nnina kya nsonyi ate nga ndi muvubuka wa myaka 21. Ntya n’okugamba ku muwala yenna. Ssenga nsaba kunnyamba...

Yaga 220x290

‘Muntaase puleesa egenda kunzita...

MUSAJJA mukulu Ssaalongo Vincent Kigudde 78, awanjagidde akakiiko akabuuliriza ku mivuyo gy’ettaka kamuyambe ku...

Nyanzi 220x290

Dr. Stella Nyanzi alemedde e Luzira...

Dr. Stella Nyanzi ajeemedde ebiragiro bya kkooti bw’agaanye okulinnya bbaasi y’abasibe emuleeta ku kkooti nga bwe...