TOP
  • Home
  • Ssenga
  • Bwe nnazaala omwana atalina w'afulumira baze n'anzirukako

Bwe nnazaala omwana atalina w'afulumira baze n'anzirukako

By Musasi wa Bukedde

Added 14th September 2018

OMUSAJJA bwe yalaba ng’anzadde omwana atalina w’afulumira n'anzirukako.

Restynakawuka1 703x422

Nze Resty Nakawuka,39,mbeera Kimazzi Luwero,mbadde mmaze emyaka esatu nga mbeera ne taata w’abaana bange era twasooka ne tuzaalayo omwana omuwala naye naafa.

Twasigala tubeera ffembi era bwewayitawo ebbanga nenfuna olubuto olulala era nenzaala omwana muwala taata we n’amutuuma Margaret Namwanga.

Omwana ono namuzaalira ku kiriniki naye nga talina wafulumira ,amangu ago abasawo bansindikirawo e Mulago era bweyaweza ennaku ssatu ne bamulongoosa olubuto nafuna ekituli w’afulumira.

Olwava mu ddwaliro n’agenda okuddayo awaka ng’omusajja yasituddemu ebintu bye n’agenda bwenagezaako okumukubira essimu yangamba kimu nti omwana mufunire taata we ye tazaala baana bwebatyo.

Kati omwana awezezza emyezi mukaaga naye bulijjo azannya bulungi ng’ampa ne waazi n’engeda mpakasa okusobola okufuna ssente z’enyumba n’okulya, omwezi oguwedde omwana yatabuka n’azira amabeere era bweyakaaba ennyo ekyenda n’ekisowokayo webaali baasala.

Nadduka ne mmuzaayo e Mulago abasawo ne baddamu ne bazzaayo ekyenda naye ayina obulumi bungi era abeera akaaba kati kyazzeemu ne kivaayo bwennamuzizzaayo mu ddwaliro abasawo bangambye nnoonye ssente ezinagulanga eddala n’ebyetaago nzireyo bamulongoose kuba ajakulwayo.

Essaawa zino nnannyini nyumba yagingobamu era kati waliwo omukyala ansuza kyokka kati sikyasobola nakupakasa kuba omwana asiiba akaaba ate asula akaaba talina kyayagala kulya ate nga n’amabeere yagazira kyokka ne nnazaala wange talina ssente kunyambako.

Kati nnoonya bazira kisa banyambeko okunsondera ku ssente ezinanyambako mu ddwaliro kuba omwana wange ali mu bulumi ate nga sirina wakutandikira.Anaaba asobodde okunyamba ndi 0781094595ENDS

 

More From The Author

Emboozi z’omuwandiisi endala

Emboozi endala

Malawo 220x290

Agula emmaali y’omufu mu bukyamu...

WADDE okufa tteeka naye kino tekikugaana kukola nnyo obeereko ebyobugagga by’olekera abantu bo ssinga Katonda abeera...

Ssenga1 220x290

Njagala kutandika bulamu

NNINA siriimu era mmaze naye emyaka egiwera. Baze yafa ne nsigala n’abaana naye kati mpulira nnina okufuna omusajja...

Img20190117wa0028 220x290

Sipiika alagidde Katuntu okuyimiriza...

SIPIIKA wa Palamenti Rebecca Kadaga alagidde akakiiko ka COSASE akakubirizibwa Katuntu akabuuliriza ku mivuyo egyetobeka...

Soma 220x290

Abatuuze katono batte be balumiriza...

ABATUUZE ku kyalo Kiryamuli mu Ggombolola y’e Gombe mu disitulikiti y’e Wakiso bakkakkanye ku basajja babiri abagambibwa...

Panda 220x290

Maneja Kavuma ayagala Abtex amuliyirire...

Olutalo lw’abategesi b’ebivvulu, Musa Kavuma (KT Events) ne Abby Musinguzi amanyiddwa nga Abtex lusituse buto....