TOP
  • Home
  • Ssenga
  • Olwazaala abaana 3 omusajja n’adduka

Olwazaala abaana 3 omusajja n’adduka

By Musasi wa Bukedde

Added 14th September 2018

ABASAJJA bantabula, kirabika bongedde okutya obuvunaanyizibwa oba okusoomoozebwa kwe basanga mu bulamu!

Ying 703x422

Amannya nze Catherine Nawesa 26, nga mbeera Lubugumu mu Ggombolola y’e Namayiba e Mukono.

Ennaku ennuma olw’omusajja okunzirukako bwe nazaala abaana basatu omulundi gumu.

Ekibi yagenda tandaze na waabwe kati sirina gye nnyinza kuddukira kufuna buyambi kuba kirabika yatya okutunoonyeza ky’atuliisa.

Twalabana ne taata w’abaana Steven ng’akima mazzi n’agatunda mu bantu era yafunanga ssente ezisobola okutubeezaawo kyokka bwe nazaala n’abulawo.

Twali tubeera Kireka nga we tupangisa ne nfuna olubuto wakati mu kunjagala n’okunsuuta. Okuzaala bwe kwatuuka bannongoosaamu abaana basatu.

Omusajja yasooka n’abeerawo naye abaana bwe baaweza emyezi ena n’adduka.

Yang’amba nti ewaabwe Bukedea naye yali tantwalangayo naye alina omuwala gwe yandaga nti mwannyina.

Omuwala yajja naye awaka ng’ayambadde yunifoomu y’essomero kyokka sikakasa oba ddala mwanyina ate naye siddangamu kumulaba okuva olwo.

Kati landiroodi ammanja ssente z’ennyumba, abaana balwala tebalina buyambi ate nga n’ekyokulya kibula.

Olumu nfuna obulimu ne nkolako kyokka mba naakatandika okukola oba oli awo ng’omwana omu alwadde ate olwo ssente nga zigenda.

Ndi mu mabanja olw’abaana bange kubanga mbaagala era njagala babeere bulungi.

Omusajja eky’okudduka kyandibadde awo naye singa mmanyi gye bamuzaala osanga nandikwataganye n’abooluganda lwe .

Nalowooza okudda waffe mu kyalo e Mbale naye nayo sijja kufunayo buyambi kubanga taata awoomerwa nnyo omwenge so nga maama takola era tasobola kundabirira.

Abaana balina okulya , okunywa kyokka kati ebintu bya bbeeyi. Asobola okumpa obuyambi abayise ku ssimu 0788549583.

More From The Author

Emboozi z’omuwandiisi endala

Emboozi endala

Mala1 220x290

BUKEDDE W’OLWOMUKAAGA AFULUMYE...

Mulimu abayizi 5 abasinze mu buli ssomero mu disitulikiti ez’enjawulo. Tukugattiddeko n’ebifaananyi byabwe nga...

Morning 220x290

Obulamu bw’okweyombekera kkoyi...

OBULAMU obw’omu bumenya! Bayibuli ekirambika nti ekitonde ekisajja kineegattanga n’ekitonde ekikazi ne bakola obufumbo...

Ssenga1 220x290

Bakwana batya?

Ekizibu kye nnina kya nsonyi ate nga ndi muvubuka wa myaka 21. Ntya n’okugamba ku muwala yenna. Ssenga nsaba kunnyamba...

Yaga 220x290

‘Muntaase puleesa egenda kunzita...

MUSAJJA mukulu Ssaalongo Vincent Kigudde 78, awanjagidde akakiiko akabuuliriza ku mivuyo gy’ettaka kamuyambe ku...

Nyanzi 220x290

Dr. Stella Nyanzi alemedde e Luzira...

Dr. Stella Nyanzi ajeemedde ebiragiro bya kkooti bw’agaanye okulinnya bbaasi y’abasibe emuleeta ku kkooti nga bwe...